29 دسمبر ، 2024 
جنوبی افریقا نے سنسنی خیز مقابلے کے بعد پاکستان کو پہلے ٹیسٹ میں شکست دے دی
29 دسمبر ، 2024
سنچورین ٹیسٹ میں جنوبی افریقا نے پاکستان کو سنسنی خیز مقابلے میں 2 وکٹوں سے مات دے دی۔
سنچورین ٹیسٹ کے چوتھے دن جنوبی افریقا نے 27 رنز اور 3 کھلاڑی آؤٹ سے اپنی دوسری اننگز شروع کی۔
ایڈم مارکرم اور ٹمبا باووما نے 43 رنز کی شراکت قائم کی، مارکرم 37 رنز بناکر آؤٹ ہوئے جبکہ باووما نے 40 رنز کی اننگز کھیلی جس کے بعد 3 کھلاڑی 99 کے مجموعی اسکور پر آؤٹ ہوگئے۔
جنوبی افریقا کی اس تباہی کے ذمے دار محمد عباس تھے جنہوں نے 6 کھلاڑی پویلین پہنچائے لیکن اُس کے بعد ربادا اور مارکو ینسین جم گئے جو ٹیم کو فتح دلاکر میدان سے واپس آئے۔
جنوبی افریقا نے پاکستان کو سنسنی خیز مقابلے میں دو وکٹوں سے شکست دی، اس فتح کے ساتھ جنوبی افریقا نے سیریز میں 0-1 کی برتری حاصل کرلی ہے۔
پہلے ٹیسٹ میں جیت کے ساتھ ہی جنوبی افریقانے اگلے سال ہونے والے ورلڈ ٹیسٹ چیمپئن شپ کے فائنل میں بھی جگہ پکی کرلی۔
پاکستان اور جنوبی افریقا کے درمیان سیریزکا دوسرا ٹیسٹ 3 جنوری سے کیپ ٹاؤن میں شروع ہوگا۔
مزید خبریں :
بھارت کیخلاف آخری ٹیسٹ سے قبل اہم آسٹریلوی بولر انجری کا شکار
31 دسمبر ، 2024
روہت شرما کا ٹیسٹ کرکٹ سے ریٹائرمنٹ کا فیصلہ
31 دسمبر ، 2024
