31 دسمبر ، 2024 
کاسمیٹک سرجری کرانےکے بعد سب ایک جیسے دکھائی دینے لگے ہیں: نیلم منیر
31 دسمبر ، 2024
پاکستان کی مقبول اداکارہ نیلم منیر کا کہنا ہے کہ وہ لوگ جو اپنی خوبصورتی میں اضافے یا بڑھاپا چھپانے کے لیے کاسمیٹک سرجری کرواتے ہیں، انہیں ایسا نہیں کرنا چاہیے اور خود کو قبول کرنا چاہیے۔
حال ہی میں اداکارہ کا ایک ویڈیو کلپ سوشل میڈیا کی زینت بنا ہوا ہے جس میں وہ وقت کے ساتھ ساتھ چہرے پر ہونے والی تبدیلیوں سے متعلق بات کررہی ہیں۔
نیلم نے کہا انسان میں نفاست اور خوبصورتی عمر بڑھنے کے بعد ہی آتی ہے، انسان کو اس بات کی فکر ہرگز نہیں کرنی چاہیے کہ چہرے پر جھریاں آگئیں یا اب عمر رسیدہ لگنے لگے ہیں، یہ سب قدرتی مراحل ہیں۔
اداکارہ کے مطابق انسان عمر بڑھنے کے ساتھ دوسروں سے مختلف لگتا ہے اور اس کی شخصیت میں نکھار پیدا ہوتا ہے۔
انہوں نے مزید کہا کہ اب مجھے ایسا لگتا ہے کہ ہر دوسرا شخص کاسمیٹک سرجری کروارہا ہے، اس سے اب سب ہی ایک جیسے دکھنے لگ گئے ہیں۔
نیلم نے کہا کہ لوگوں میں خود اعتمادی ہونا بہت ضروری ہے کہ وہ جیسے ہیں ویسے ہی خوبصورت ہیں۔
ان کا یہ بھی کہنا تھا کہ یہ چیزیں شوقیہ کرائی جاسکتی ہیں لیکن صرف اس لیے نہ کروائیں کہ آپ کو دوسروں سے بہتر یا جوان دکھنا ہے۔
مزید خبریں :
فلم ’ جاٹ ‘ کی ریلیز کے ساتھ ہی سنی دیول مشکل میں پھنس گئے
18 اپریل ، 2025
فواد خان نے فلم ’عبیر گلال‘ کیلئے کتنے کروڑ معاوضہ لیا؟
17 اپریل ، 2025
