سانحہ 9 مئی کے 19 مجرمان کی سزائیں معاف کر دی گئیں: آئی ایس پی آر

سانحہ 9 مئی 2023 کے 19 مجرمان کی سزاؤں میں معافی کا اعلان کر دیا گیا۔

پاک فوج کے شعبہ تعلقات عامہ آئی ایس پی آر کے مطابق سانحہ 9 مئی کی سزاؤں پر عملدرآمد کے دوران مجرمان نے رحم اور معافی کی پٹیشنز دائر کیں، مجموعی طور پر67 مجرمان نے رحم کی پٹیشنز دائر کیں۔

آئی ایس پی آر کے مطابق 48 پٹیشنز کو قانونی کارروائی کے لیے”کورٹس آف اپیل“ میں نظرثانی کیلئے ارسال کیا گیا، 19 مجرمان کی پٹیشنز کو خالصتاً انسانی بنیادوں پر قانون کے مطابق منظور کیا گیا۔

پاک فوج کے شعبہ تعلقات عامہ کے مطابق دائر کی گئی دیگر رحم کی پٹیشنوں پر عملدرآمد مقررہ مدت میں قانون کے مطابق کیا جائے گا، ان مجرمان کو ضابطے کی کارروائی مکمل ہونے کے بعد رہا کیا جا رہا ہے۔

سزاؤں کی معافی ہمارے منصفانہ قانونی عمل اور انصاف کی مضبوطی کا ثبوت ہے: آئی ایس پی آر 

آئی ایس پی آر کا بتانا ہے کہ دیگرتمام مجرمان کے پاس بھی اپیل اور قانون اور آئین کے مطابق دیگر قانونی حقوق برقرار ہیں، سزاؤں کی معافی ہمارے منصفانہ قانونی عمل اور انصاف کی مضبوطی کا ثبوت ہے، یہ نظام ہمدردی اور رحم کے اصولوں کو مدنظر رکھتے ہوئے انصاف کی فراہمی کو یقینی بناتا ہے۔

پاک فوج کے شعبہ تعلقات عامہ کا بتانا ہے کہ اپریل 2024 میں انسانی ہمدردی کی بنیاد پر 20 مجرمان کی رہائی کا حکم صادر کیا گیا تھا۔

کن مجرمان کی سزائیں معاف کی گئیں؟

آئی ایس پی آر کے مطابق محمد ایاز ولد صاحبزادہ خان، سمیع اللہ ولد میرداد خان، لئیق احمد ولد منظور احمد کی سزا معاف کی گئی۔ امجد علی ولد منظور احمد، یاسر نواز ولد امیر نواز خان، سعید عالم ولد معاذاللہ خان کی سزا معاف  کی گئی۔

زاہدخان ولد محمد نبی، محمد سلیمان ولد سعید غنی جان، حمزہ شریف ولد محمد اعظم، محمد سلمان ولد زاہد نثار، اشعر بٹ ولد محمد ارشد بٹ، محمد وقاص ولد ملک محمد خلیل، سفیان ادریس ولد ادریس احمد، منیب احمد ولد نوید احمد بٹ، محمد احمد ولد محمد نذیر، محمد نواز ولد عبدالصمد، محمد علی ولد محمد بوٹا، محمد بلاول ولد منظور حسین اور محمد الیاس ولد محمد فضل حلیم کی سزا بھی معاف کی گئی۔

مجرمان کی کتنی سزائیں معاف کی گئیں؟

1. بنوں کینٹ حملے میں ملوث سمیع اللہ ولد میر داد خان کو 2 سال قید بامشقت کی سزا سنائی گئی تھی
2. ایف سی کینٹ پشاور حملے میں ملوث محمد ایاز ولد صاحبزادہ خان کو 2 سال قید بامشقت کی سزا سنائی گئی تھی
3. آئی ایس آئی آفس فیصل آباد حملے میں ملوث لئیق احمد کو 2 سال قید بامشقت کی سزا سنائی گئی تھی
4. آئی ایس آئی آفس فیصل آباد حملے میں ملوث محمد سلمان کو 2 سال قید بامشقت کی سزا سنائی گئی تھی
5. آئی ایس آئی آفس فیصل آباد حملے میں ملوث امجد علی کو 2 سال قید بامشقت سزا سنائی گئی تھی
6. فیصل آباد آئی ایس آئی آفس حملے میں ملوث محمد علی کو 2 سال قید بامشقت کی سزا سنائی گئی تھی
7. فیصل آباد آئی ایس آئی آفس حملے میں ملوث حمزہ شریف ولد محمد اعظم کو 2 سال قید بامشقت کی سزا سنائی گئی تھی
8. ہیڈکوارٹر دیر اسکاؤٹس تیمر گرہ پر حملے میں ملوث محمد الیاس کو 2 سال قید بامشقت کی سزا سنائی گئی تھی
9. ہیڈکوارٹر دیر اسکاؤٹس تیمرگرہ حملے میں ملوث محمد سلیمان کو 2 سال قید بامشقت کی سزا سنائی گئی تھی
10. راہولی گیٹ گوجرانوالہ کینٹ حملے میں ملوث محمد وقاص کو 2 سال قید بامشقت سزا سنائی گئی تھی
11. راہولی گیٹ گوجرانوالہ کینٹ حملے میں ملوث منیب احمد ولد نوید احمد بٹ کو 2 سال قید بامشقت سزا سنائی گئی تھی
12. راہوالی گیٹ گوجرانوالہ کینٹ حملے میں ملوث محمد نواز کو 2 سال قید بامشقت کی سزا سنائی گئی تھی
13. راہوالی گیٹ گوجرانوالہ حملے میں ملوث عاشر بٹ ولد محمد ارشد بٹ کو 2 سال قید با مشقت کی سز اسنائی گئی تھی
14. راہوالی گیٹ گوجرانوالہ حملے میں ملوث محمد احمدکو 2 سال قید بامشقت کی سزا سنائی گئی تھی
15. راہوالی گیٹ گوجرانوالہ حملے میں ملوث صفیان ادریس ولد ادریس احمد کو 2 سال قید بامشقت کی سزا سنائی گئی تھی
16. جناح ہاؤس حملے میں ملوث محمد بلاول کو 2 سال قید بامشقت کی سزا سنائی گئی تھی 
17. پنجاب رجمنٹنل سینٹر  (پی آر سی) مردان پر حملے میں ملوث زاہد خان ولد محمد نبی کو 2 سال قید با مشقت کی سز ا سنائی گئی تھی
18. پنجاب رجمنٹنل سینٹر (پی آر سی) مردان پر حملے میں ملوث سعید عالم ولد معاذ اللہ خان کو 2 سال قید با مشقت کی سز ا سنائی گئی تھی
19. پنجاب رجمنٹنل سینٹر (پی آر سی) مردان پر حملے میں ملوث یاسر نواز ولد امیر نواز کو 2 سال قید با مشقت کی سز ا سنائی گئی تھی