04 جنوری ، 2025 
کراچی ائیرپورٹ پر آوارہ کتوں کی بہتات پروازوں کیلئے خطرہ بن گئی
04 جنوری ، 2025
کراچی ائیرپورٹ پر جنرل ایوی ایشن ایریا ہینگرز میں آوارہ کتوں کی بہتات فلائٹ سیفٹی کے لیے خطرہ بن گئی۔
ذرائع کے مطابق کراچی ائیر پورٹ پر جنرل ایوی ایشن ایریا میں آوارہ کتوں کی بہتات ہے اور آوارہ کتے جنرل ایوی ایشن کے ٹیکسی وے پر آزادانہ گھوم رہے ہیں۔
ذرائع کا بتانا ہے کہ کتے ٹیکسی وے سے گزرنے والے طیاروں سے ٹکرا سکتے ہیں، کتوں کا آزادانہ گشت پروازوں کی فلائٹ سیفٹی کے لیے بھی خطرہ ہے۔
ذرائع کا کہنا ہے کہ پاکستان ائیر پورٹس اتھارٹی آوارہ کتوں کی ائیرپورٹ ایریا میں آمد روکنے میں ناکام ہے، ماضی میں آوارہ کتے مرکزی رن وے پر بھی گھومتے پائے جا چکے ہیں۔
ذرائع کے مطابق جنرل ایوی ایشن ایریا میں تربیتی طیاروں کی آمدورفت مسلسل جاری رہتی ہے، آوارہ کتوں کی بہتات کے سبب گزشتہ شام ایک آوارہ کتا طیارے سے ٹکراتے ٹکراتے رہ گیا تھا، جنرل ایوی ایشن ہینگر سے روانہ ہونے والی پرواز حادثے کے اندیشے کے سبب منسوخ کرنا پڑی تھی۔
مزید خبریں :
190 ملین پاؤنڈ کیس کا فیصلہ 13 جنوری کو سنایا جائیگا
3 گھنٹے پہلے
ڈی سی کرم پر فائرنگ کرنے والے 2 مبینہ شرپسند گرفتار
4 گھنٹے پہلے
