05 جنوری ، 2025 
کاروبار
راولپنڈی میں برائلر مرغی کے گوشت کی قیمت میں فی کلو 450 روپے کا اضافہ دیکھا گیا: مارکیٹ ذرائع۔ فوٹو فائل
مرغی کے گوشت کی قیمت میں بڑا اضافہ، قیمت عوام کی پہنچ سے باہر
05 جنوری ، 2025
گزشتہ دو ہفتوں کے دوران زندہ برائلر مرغی اور مرغی کے گوشت کی فی کلوقیمت میں بڑا اضافہ دیکھنے میں آیا ہے۔
مارکیٹ ذرائع کے مطابق راولپنڈی میں زندہ برائلر مرغی 285 سے بڑھ کر 530 روپے کلو ہو گئی ہے جبکہ برائلر مرغی کے گوشت کی قیمت 900 روپے فی کلو سے تجاوز کر گئی ہے۔
ذرائع کا بتانا ہے کہ برائلر مرغی کے گوشت کی قیمت میں فی کلو 450 روپے کا اضافہ دیکھا گیا ہے۔
مارکیٹ ذرائع کے مطابق راولپنڈی مرغی منڈی میں زندہ برائلر مرغی فی من 19 ہزار 200 روپے سے تجاوز کر گئی ہے جبکہ مقامی فارمنگ نہ ہونے کے باعث دوسرے اضلاع سے مرغی منگوانا پڑتی ہے۔
ذرائع کا کہنا ہے کہ مرغی کی قیمت سپلائی اینڈ ڈیمانڈ پر منحصر ہے، مرغی کی فیڈ اور ٹرانسپورٹ سمیت دیگر اخراجات بھی بڑھ گئے ہیں۔
مزید خبریں :
انٹربینک میں ڈالر کی قیمت میں معمولی اضافہ
10 گھنٹے پہلے
ملک میں سونے کی قیمت سیکڑوں روپے کم ہوگئی
11 گھنٹے پہلے
ورلڈ بینک پاکستان کو آئندہ 10 سال میں 20 ارب ڈالر قرض دےگا
04 جنوری ، 2025
