07 جنوری ، 2025 
حکومت سندھ کا سرکاری گاڑیاں واپس نہ کرنے والوں پر مقدمات درج کروانے کا فیصلہ
07 جنوری ، 2025
حکومت سندھ نے سرکاری گاڑیاں واپس نہ کرنے والوں پر مقدمات درج کروانے کا فیصلہ کرلیا۔
سینیئر وزیرشرجیل میمن کی زیرصدارت سندھ کابینہ کی ذیلی کمیٹی کا اجلاس ہوا جس میں یہ فیصلہ کیا گیا۔
اجلاس فیصلہ کیاگیا کہ سرکاری گاڑیاں واپس نہ کرنے اور ان کا غیر مجاز استعمال پر مقدمہ درج ہوگا۔
ترجمان نے کہا کہ کمیٹی اجلاس میں متروکہ سرکاری گاڑیوں کی نیلامی کا بھی فیصلہ کیا گیا۔ کمیٹی اجلاس میں ممبران کی اخراجات میں کمی یقینی بنانے پر اپنی سفارشات پیش کیں اور بتایاکہ گاڑیوں کی الاٹمنٹ اور ریگولیٹ کرنے کیلئے عملدرآمد یقینی بنایاجائے۔
اجلاس میں یہ بھی فیصلہ کیا گیا کہ گاڑیوں کی نیلامی کا عمل شفاف بنانے اور فنڈز منصوبوں کیلئے مختص کیے جائیں گے۔
اس موقع پر شرجیل میمن کا کہناتھاکہ سرکاری گاڑیوں کے غیرضروری استعمال اور پی اوایل کے بڑھتےاخراجات کم کیےجائیں، بے کار گاڑیوں کی نیلامی مکمل طور پر شفاف بنانے کیلئے اقدامات کیے جائیں۔
