07 جنوری ، 2025 
پاکستان
، سفید موتیےکی وجہ سے ٹائیگر کی ایک آنکھ مکمل طور پر متاثر ہوگئی ہے،فوٹو: سوشل میڈیا
بہاولپور کے چڑیا گھر میں بنگال ٹائیگرکی ایک آنکھ سفید موتیےسے مکمل متاثر ہوگئی
07 جنوری ، 2025
بہاولپور کے چڑیا گھر (شیر باغ) میں بنگال ٹائیگرکی آنکھ سفید موتیےکی وجہ سے مکمل طور پر متاثر ہوگئی۔
ڈپٹی ڈائریکٹر محکمہ وائلڈ لائف عثمان بخاری کے مطابق شیر باغ میں بنگال ٹائیگر آنکھوں کی بیماری میں مبتلا ہے، سفید موتیےکی وجہ سے ٹائیگر کی ایک آنکھ مکمل طور پر متاثر ہوگئی ہے جب کہ دوسری جزوی متاثر ہے۔
ڈپٹی ڈائریکٹر وائلڈ لائف کا کہنا ہےکہ ٹائیگر کی آنکھوں کے علاج کے لیے پاکستان میں ٹیکنالوجی ہی موجود نہیں، ابتدائی علامات پر علاج کیا گیا، سفید موتیا اب پوری آنکھ میں پھیل چکا ہے۔
ڈپٹی ڈائریکٹر وائلڈ لائف کے مطابق بنگال ٹائیگر کی عمر 7 سال ہے، ٹائیگر کی آنکھوں کی سرجری کے لیے چند این جی اوز سے رابطےکیے ہیں۔
