12 جنوری ، 2025 
سانگھڑ کی باہمت خاتون ایمبولینس ڈرائیور ارم دیگر خواتین کیلئے مثال بن گئیں
12 جنوری ، 2025
سندھ کے ضلع سانگھڑ کی باہمت لڑکی جو فرسودہ نظام میں خواتین کے لیے ہوا کے جھونکے سے کم نہیں جہاں خواتین دوسرے شعبوں میں اپنا نام بنارہی ہیں وہیں ارم نے ایمبولینس چلانے سے جیسے مشکل کام کو چنا ہے۔
سندھ کے ضلع سانگھر کی مصروف ترین شاہراہ سے سائرن بجاتی ہوئی ایمبولینس کی ڈرائیور ارم کی ایک ہی کوشش ہے کہ کس بھی طرح پلک جھپکتے ایمبولینس کو اسپتال پہنچادے تاکہ مریض کی جان بروقت بچائی جاسکے۔
سندھ حکومت کے ماتحت ادارے سندھ انٹیگریٹڈ ایمرجنسی اینڈ ہیلتھ سروسز میں بطور ایمبولینس ڈرائیور بھرتی ہونے والی سانگھڑ کی رہائشی ارم کو شروع سے ہی ڈرائیونگ کا شوق تھا۔
ارم تو بطور ایمبولینس ڈرائیور اپنے فرائض سرانجام دے رہی ہیں۔ ان کے ساتھ کام کرنے والی دیگر لڑکیاں بھی دنیا کی پروا کیے بغیر اپنی ذمہ داری بخوبی نبھارہی ہیں۔
ارم نے اپنے کام سے پیغام دیا ہے کہ خواتین بلا خوف و خطر آگے آئیں اور اداروں کو جوائن کرکے معاشرے کی تبدیلی میں اپنا کردار ادا کریں۔
