18 جنوری ، 2025 
پاکستان
بچے کی لاش بلڈنگ کے انڈر گراؤنڈ ٹینک سے ملی ہے جسے پوسٹ مارٹم کے لیے بھیج دیا گیا ہے: پولیس/ فائل فوٹو
نارتھ کراچی میں 11 روز سے لاپتا بچے صارم کی لاش مل گئی
18 جنوری ، 2025
کراچی: نارتھ کراچی سے لاپتا ہونے والے بچے صارم کی لاش مل گئی۔
ایس ایس پی سینٹرل کے مطابق 11 روز قبل لاپتا ہونے والے 7 سالہ بچے صارم کی تلاش کا سلسلہ جاری تھا، بچے کی لاش بلڈنگ کے انڈر گراؤنڈ ٹینک سے ملی ہے جسے پوسٹ مارٹم کے لیے بھیج دیا گیا ہے۔
ایس ایس پی سینٹرل نے مزید بتایا کہ معلوم ہوتا ہے واقعہ حادثاتی طور پر پیش آیا ہے۔
واضح رہے کہ اس واقعے کے بعد بچے کے والدین کو 5 لاکھ روپے تاوان کا میسج موصول ہوا تھا۔
اس کے علاوہ گورنر سندھ کامران ٹیسوری نے بھی بچے کے گھر جا کر والدین سے ملاقات کی تھی اور بچے کی بازیابی کے لیے مکمل تعاون کی یقین دہانی کروائی تھی۔
