19 جنوری ، 2025 
پاکستان
موسلادھار بارش سے نشیبی علاقے زیر آب آگئے ہیں جبکہ این 25 چمن کوئٹہ کراچی شاہراہ پر ایمرجنسی نافذ کردی گئی ہے/ فائل فوٹو
بلوچستان کی وادی زیارت اورگرد و نواح میں برفباری، چمن میں موسلادھار بارش
19 جنوری ، 2025
کوئٹہ: بلوچستان کی وادی زیارت اورگرد و نواح میں برفباری سے موسم سرد ہوگیا ہے۔
جیو نیوز کے مطابق بلوچستان کی وادی زیارت اورگرد و نواح میں برفباری سے موسم سرد ہوگیا ہے، زیارت شہر میں اب تک 3 انچ برف پڑ چکی ہے۔
محکمہ موسمیات کا بتانا ہے کہ چمن، قلعہ عبداللہ، پشین کے بالائی علاقوں میں برفباری سے رابطہ سڑکیں متاثر ہونے کا خدشہ ہے۔
محکمہ موسمیات کے مطابق چمن وگردونواح میں بھی موسلادھار بارش ہوئی ہے، بارش کے بعد نشیبی علاقے زیر آب آگئے ہیں جس کے باعث این 25 چمن کوئٹہ کراچی شاہراہ پر ایمرجنسی نافذ نافظ کردی گئی ہے۔
