21 جنوری ، 2025 
مشرق وسطیٰ کے 2 بینکوں سے 1 ارب ڈالرقرض کے حصول کی تفصیلات طے پاگئیں، وزیر خزانہ
21 جنوری ، 2025
وزیر خزانہ محمد اورنگزیب نے کہا ہے کہ مشرق وسطیٰ کے 2 بینکوں سے 1 ارب ڈالر قرض کے حصول کی تفصیلات طے پاگئیں۔
ڈیووس میں غیرملکی خبر ایجنسی کو انٹرویو میں محمد اورنگزیب کا کہنا تھاکہ تجارتی مقاصد کے لیے قرض کے حصول کےلیے 2 بینکوں سےمعاہدہ پر پیش رفت ہوئی ہے اور یہ قرضہ جات مختصر یا ایک سال تک کی مدت کے لیے ہیں۔
انہوں نے بتایاکہ قرض کی رقم چھ سے سات فیصد شرح سود پر ملے گی۔
وزیر خزانہ کاکہنا تھاکہ امید ہے آنے والے مہینوں میں پاکستان کی کریڈٹ ریٹنگ اپ گریڈ ہو گی، فروری کے اختتام پر آئی ایم ایف کی ای ایف ایف سہولت کا باضابطہ ریویو ہو گا اور اس ریویو کی کامیابی کے لیے ہم اچھی حالت میں ہیں۔
ان کا مزید کہنا تھاکہ آئی ایم ایف ریویو کے بعد ریزیلینس اینڈ سسٹین ایبلٹی ٹرسٹ کے تحت 1 ارب ڈالر کے حصول کی بات ہو گی، آئی ایم ایف سےاگلے 6 سے 9 ماہ میں اس حوالے سے معاملات طے پانےکی امید ہے۔
وزیر خزانہ نے بتایاکہ پی آئی اے کی نجکاری کے حوالے سے اگلے 5 سے 6 ماہ میں اچھے نتائج سامنے آئیں گے،یورپ کےلیے پروازوں کی دوبارہ بحالی سے ائیرلائن کی کاروباری ساکھ بہتر ہوئی ہے۔
مزید خبریں :
انٹربینک میں ڈالر 10 پیسے مہنگا ہوگیا
27 فروری ، 2025
اسٹاک ایکسچینج کے 100 انڈیکس میں معمولی کمی
27 فروری ، 2025
ملک بھر میں سونے کی قیمت میں مسلسل تیسرے روز کمی
27 فروری ، 2025
پاکستان میں مردوں کے مقابل کتنے فیصد خواتین کے بینک اکاؤنٹس ہیں؟
27 فروری ، 2025
اسٹاک ایکسچینج میں کاروبار کا منفی دن، 100 انڈیکس میں کمی
26 فروری ، 2025
