22 جنوری ، 2025 
پاکستان
کسٹم ذرائع کے مطابق اسمگلنگ میں ملوث فضائی میزبانوں کو حراست میں لےکر مزید کارروائی کی جارہی ہے،فوٹو: فائل
پی آئی اےکی دبئی سے ملتان کی پرواز کے فضائی میزبانوں سے 78 مہنگے فون برآمد
22 جنوری ، 2025
کراچی: قومی ائیرلائن پی آئی اے کی دبئی سے ملتان کی پرواز کے 5 فضائی میزبانوں سے 78 مہنگے فون برآمد کرلیے گئے۔
کسٹمز ذرائع کا کہنا ہےکہ اسمگلنگ میں ائیرہوسٹس نشاط، صدف ناصر، فلائٹ اسٹیورڈ محمد عمران اور خالد خان شامل ہیں۔ موبائل فونز کی اسمگلنگ میں پی آئی اے کا سینئر پرسر فیصل پرویز بھی ملوث بتایا گیا ہے۔
کسٹمز حکام نے پیشگی اطلاع پر دونوں ائیرہوسٹسز سے 24 آئی فونز برآمد کیے۔ خواتین میزبانوں کی نشاندہی پر تینوں مرد میزبانوں کو ہوٹل سے واپس بلوا کر 54 آئی فونز برآمد کیےگئے۔
اسمگلنگ میں ملوث تمام فضائی میزبانوں کو حراست میں لےکر مزیدکارروائی شروع کردی گئی ہے۔
