23 جنوری ، 2025 
کئی ماہ کے مسلسل اضافے کے بعد دسمبر میں غذائی اجناس کی برآمدات میں کمی
23 جنوری ، 2025
اسلام آباد: کئی ماہ کے مسلسل اضافے کے بعد دسمبر میں غذائی اجناس کی برآمدات میں کمی آئی ہے۔
سرکاری دستاویز کے مطابق دسمبر میں غذائی اجناس کی برآمدات میں سالانہ 4.23 فیصد کمی ہوئی اور غذائی اجناس کی برآمدات 80 کروڑ 48 لاکھ ڈالر رہیں۔
دستاویز میں بتایا گیا ہے کہ دسمبر میں چاول کی برآمدات میں سالانہ بنیادوں پر 30.63 فیصد کمی ہوئی اورباسمتی چاول کی برآمدات میں سالانہ بنیادوں پر 40.88 فیصد کی بڑی کمی ریکارڈ کی گئی۔
دستاویز کے مطابق دسمبر میں پھلوں کی برآمدات میں سالانہ بنیادوں پر 15.51 فیصد کی گراوٹ ہوئی، دسمبر میں پھلوں کی برآمدات کا حجم 88 ہزار ٹن سے زائد رہا جب کہ گزشتہ سال کے دسمبر میں پھلوں کی برآمدات ایک لاکھ 58 ہزار ٹن سے زائد تھیں۔
اسی طرح دسمبر میں سبزیوں کی برآمدات میں سالانہ 48.92 فیصد کی بڑی کمی دیکھنے میں آئی اور گزشتہ سال دسمبر میں 92 ہزار ٹن کے مقابلے میں یہ برآمدات 56 ہزار ٹن رہیں۔
سرکاری دستاویز کے مطابق جولائی تا دسمبر غذائی اجناس کی برآمدات میں 13.83 فیصد اضافہ رہا اور 6 ماہ کے دوران غذائی اجناس کی برآمدات کا حجم 3 ارب 96 کروڑ ڈالر رہا۔
مزید خبریں :
ملک بھر میں سونے کی قیمت میں مسلسل تیسرے روز کمی
50 منٹ پہلے
اسٹاک ایکسچینج میں کاروبار کا منفی دن، 100 انڈیکس میں کمی
26 فروری ، 2025
ملک میں سونے کی قیمت میں بڑی کمی ہوگئی
26 فروری ، 2025
حکومت نیشنل کرپٹو کونسل کے قیام پر غور کرے گی: وزیر خزانہ
26 فروری ، 2025
