24 جنوری ، 2025 
پاکستان
پنجاب کی دہم جماعت کی مطالعہ پاکستان میں نمایاں خواتین پر مضمون شامل، فاطمہ جناح، بینظیر، مریم و دیگر کے نام شامل
24 جنوری ، 2025
پنجاب کے محکمہ تعلیم نے دہم جماعت کی مطالعہ پاکستان کی کتاب میں نمایاں خواتین پر خصوصی مضمون شامل کردیا۔
سیکرٹری اسکولز ایجوکیشن خالد نذیر وٹو کا کہنا تھاکہ مضمون میں ان خواتین کا ذکر کیا گیا ہے جنھوں نے اپنے شعبے میں نام بنایا، ان خواتین میں محترمہ فاطمہ جناح، بینظیر بھٹو، نصرت بھٹو شامل ہیں۔
سیکرٹری اسکولزایجوکیشن کے مطابق ان خواتین میں بیگم کلثوم نواز، مریم نواز، جسٹس عالیہ نیلم، فہمیدہ مرزا، بلقیس ایدھی، شمشاد اختر، نگار جوہر، ثمینہ بیگ اور ارفع کریم بھی شامل ہیں۔
خالد نذیر وٹو کا کہنا تھاکہ یہ خواتین طالبات کےلیے رول ماڈل ہیں، مضمون بچیوں کی حوصلہ افزائی کے لیے نصاب میں شامل کیا گیا۔
