26 جنوری ، 2025 
افسران کیلئے گاڑیاں خریدی جائیں گی، سینیٹ کمیٹی کے اعتراض کا جواب دیدیا ہے: چیئرمین ایف بی آر
26 جنوری ، 2025
کراچی: چیئرمین ایف بی آر راشد محمود لنگڑیال نے افسران کیلئے گاڑیوں کی خریداری پر ہونے والے اعتراض پر اہم بیان دیا ہے۔
راشد محمود لنگڑیال کا کہنا ہے کہ نوجوان افسران کیلئے کاریں خریدی جائیں گی، آپریشنز کیلئے گاڑیوں کی ضرورت ہے، سیلز ٹیکس چیکنگ کیلئے افسر کا وزٹ ضروری ہوتا ہے، کمیٹی کے اعتراض کا احترام سے شافی جواب دیا ہے۔
انہوں نے کہا کہ ٹیکس اہداف پورےکریں گے، جوتشی کا کام شروع نہیں کیا، سیمنٹ کی قیمت کے معاملے پر مسابقی کمیشن کو کام کرنا چاہیے۔
کراچی میں سب سے زائد ٹیکس کلیکشن کے حوالے سے ایف بی آر چیئرمین نے وضاحت پیش کرتے ہوئے کہا کہ کراچی میں بڑی کمپنیز کے ہیڈکوارٹرز ہیں، ملٹی نیشنلزکے بھی ہیڈکوارٹرز ہیں، ٹیکس کلیکشن کا عمل ادھر سے ریکارڈ میں آتا ہے۔
کراچی سے زائد ٹیکس آنے لیکن رقم نہ لگنے سے متعلق سوال پر راشد محمود لنگڑیال کا کہنا تھا یہ معاملہ مالی، فیڈرل ازم اور آئین میں طے ہے۔
خیال رہے کہ سینیٹ کی قائمہ کمیٹی برائے خزانہ نے ایف بی آر افسران کے لیے 6 ارب مالیت کی 1010 گاڑیاں خریدنے پر شدید برہمی کا اظہار کیا تھا جبکہ سینیٹ کمیٹی برائے خزانہ کے چیئرمین نے وزیر خزانہ کو خط لکھ کر گاڑیوں کی خریداری کے لیے رقم کی ادائیگی نہ کرنے کا مطالبہ بھی کیا تھا۔
مزید خبریں :
ای سی سی نے صنعتی شعبےکیلئےگیس ٹیرف میں اضافہ منظور کرلیا
25 جنوری ، 2025
ملک میں سونےکی قیمت میں کمی، فی تولہ سونا کتنےکا ہوگیا؟
25 جنوری ، 2025
چینی کی قیمت کو پر لگ گئے، ایک ہفتے میں 4 روپے فی کلو مزید مہنگی
25 جنوری ، 2025
پاکستان کی بنگلادیش کیساتھ برآمدات میں 17 فیصد اضافہ ہوگیا
24 جنوری ، 2025
ملک میں سونے کی قیمت تاریخ کی بلند ترین سطح پر پہنچ گئی
24 جنوری ، 2025
