28 جنوری ، 2025 
نیلم منیر نے شادی کے بعد انڈسٹری میں واپسی کا کیا سوچا؟ اداکارہ کی پوسٹ وائرل
28 جنوری ، 2025
کچھ دن قبل رشتہ ازدواج میں منسلک ہونے والی معروف اداکارہ نیلم منیر نے اعلان کیا ہے کہ وہ اب اپنے کام کی طرف لوٹ آئی ہیں۔
گزشتہ شب نیلم نے انسٹاگرام اکاؤنٹ پر اپنی ایک تصویر شیئر کی جس میں اداکارہ اپنا میک اپ کروارہی تھیں۔
پوسٹ کے کیپشن میں اداکارہ نے شادی پر مبارکباد اور دعائیں دینے والے مداحوں کا شکریہ ادا کیا اور بتایا کہ وہ پہلے کی طرح کام کرنے کے لیے تیار ہیں۔
نیلم نے لکھا کہ ’میں شاندار وقت گزار کر اب واپس آگئی ہوں اور اب کام کرنے کے لیے ایک نئی سوچ کے ساتھ پرجوش ہوں‘۔
انہوں نے کہا کہ اداکاری کی وجہ سے انہیں اتنی زیادہ محبت ملی ہے اور وہ دوبارہ کام کرکے اس کو مزید بڑھانا چاہتی ہوں۔
نیلم نے اپنے مداحوں، رشتے داروں، عزیزوں کے ساتھ انڈسٹری کے دوستوں اور سوشل میڈیا انفلوئنسز کا بھی سپورٹ کرنے پر شکریہ ادا کیا۔
یہاں یہ بات بھی قابلِ ذکر ہے کہ بہت سی اداکارائیں شادی کے بعد اپنی فیملی کو وقت دینے کے لیے ڈراموں میں اداکاری چھوڑ دیتی ہیں جب کہ نیلم نے خود بھی کافی عرصے سے کام چھوڑا ہوا تھا۔
مزید خبریں :
بھارتی اداکارہ ارچنا پورن سنگھ فلم کی شوٹنگ کے دوران زخمی
29 جنوری ، 2025
اداکار خوشحال خان کا باکسنگ کی دنیا میں قدم، حریف کو دھول چٹادی
28 جنوری ، 2025
سیف علی خان چاقو حملہ کیس میں پیشرفت، خاتون گرفتار
27 جنوری ، 2025
