28 جنوری ، 2025 
فضل الرحمان سے پی ٹی آئی وفد کی ملاقات، رابطے بڑھانے اور ملکر آگے بڑھنے پر اتفاق
28 جنوری ، 2025
جمعیت علمائے اسلام کے سربراہ مولانا فضل الرحمان سے پاکستان تحریک انصاف کے وفد نے ملاقات کی ہے۔
مولانا فضل الرحمان سے ملاقات میں اپوزیشن لیڈر عمر ایوب، اسد قیصر، سلمان اکرم راجا، صاحبزادہ حامد رضا، شہرام خان ترکئی اور اخونزادہ حسین شامل تھے۔
ذرائع کت مطابق ملاقات میں ملک کی مجموعی سیاسی صورتحال پر گفتگو کی گئی۔ ملاقات میں دونوں جماعتوں نے رابطے بڑھانے اور مل کر آگے بڑھنے پر اتفاق کیا۔
ملاقات کے بعد مشترکہ میڈيا بریفنگ میں جے یو آئی کے کامران مرتضیٰ نے کہاکہ باہمی رابطوں کے لیے دو رکنی کمیٹی بنائی گئی ہے جس میں وہ اور اسد قیصر شامل ہیں۔
انہوں نے کہا کہ یہ کمیٹی غلط فہمیاں دور کرنے اور دونوں جماعتوں کو نزدیک لانےکی کوشش کرے گی، اس وقت سیز فائر پر اتفاق ہوگيا ہے، اختلافی بات نہیں کی جائے گی۔
تحریک انصاف کے سیکرٹری جنرل سلما ن اکرم راجا نے کہاکہ مولانا نے ایک اور نشست کا وعدہ کیا ہے، ہمارے مل کر آگے بڑھنے کے امکانات ہیں۔
