30 جنوری ، 2025 
کراچی: چوروں نے فخر عالم کے گھر کا صفایا کردیا،اداکار سخت مایوس
30 جنوری ، 2025
پاکستان کے معروف اداکار، گلوکار اور میزبان فخر عالم کے کراچی میں واقع گھر میں چوروں نے ہاتھ صاف کردیا۔
اداکار نے مائیکرو بلاگنگ ویب سائٹ ایکس پر یہ افسوسناک خبر دی اور بتایا کہ 'کراچی میں میرے گھر کو لوٹ لیا گیا ہے، پولیس جائے وقوعہ پر موجود ہے اور واقعہ کی تحقیقات جاری ہیں'۔
فخر عالم نے لکھا 'یہ انتہائی پریشان کن ہے، مجھے امید ہے کہ ملزمان جلد قانون کے شکنجے میں ہوں گے، میرے لیے چیزیں اہم نہیں ہیں لیکن ذہنی سکون کی کوئی قیمت نہیں ہوتی اور یہ ہی ضروری ہے'۔
میزبان کا کہنا ہے کہ 'یہ (ذہنی سکون) کا اصل نقصان ہوا ہے، برائے مہربانی تمام افراد چوکنا رہیں'۔
البتہ فخر عالم کی جانب سے یہ واضح نہیں کیا گیا کہ لوٹ مار کی واردات کے دوران وہ گھر میں موجود تھے یا نہیں۔
مداحوں کی جانب سے اداکار کے گھر ہوئی چوری کے واقعہ کی مذمت کی جارہی ہے۔
مزید خبریں :
شوبز میں مجبوری کے تحت آئی: امبر خان
11 گھنٹے پہلے
بھارتی اداکارہ ارچنا پورن سنگھ فلم کی شوٹنگ کے دوران زخمی
29 جنوری ، 2025
