30 جنوری ، 2025 
پاکستان
وزارت داخلہ نے نیب کے کہنے پر دونوں کے پاسپورٹ منسوخ کیے، ذرائع/ فائل فوٹو
190 ملین پاؤنڈ اسکینڈل: وزارت داخلہ نےشہزاد اکبر اور فرح شہزادی کے پاسپورٹ منسوخ کر دیے
30 جنوری ، 2025
اسلام آباد: وزارت داخلہ نے نیب کی درخواست پر شہزاد اکبر اور فرح شہزادی کے پاسپورٹ منسوخ کردیے۔
ذرائع کا بتانا ہے کہ وزارت داخلہ نے پی ٹی آئی رہنما شہزاد اکبر اور بشریٰ بی بی کی دوست فرح شہزادی کے پاسپورٹ منسوخ کردیے ہیں۔
ذرائع کا کہنا ہے نیب نے 28 جنوری کو بذریعہ خط پاسپورٹ منسوخی کی درخواست کی تھی جس کے بعد وزارت داخلہ نے دونوں کے پاسپورٹ منسوخ کیے۔
ذرائع کے مطابق نیب نے 190 ملین پاونڈ کیس میں اشتہاری ملزمان کی پاسپورٹ منسوخی کی درخواست کی تھی۔
واضح رہے شہزاد اکبر اور فرح شہزاد ان دنوں پاکستان سے باہر مقیم ہیں۔
