30 جنوری ، 2025 
روبوٹس کے بالکل انسانوں جیسے رقص نے لوگوں کو دنگ کر دیا
30 جنوری ، 2025
آج کل دنیا بھر میں ایک چینی کمپنی ڈیپ سیک کا تیار کردہ آرٹی فیشل انٹیلی جنس (اے آئی) ماڈل توجہ کا مرکز بنا ہوا ہے۔
مگر چین میں نئے قمری سال کے آغاز کے موقع پر ہونے والے ایک میلے میں انسان نما روبوٹ کے ڈانس نے انٹرنیٹ صارفین کو دنگ کر دیا۔
آرٹی فیشل انٹیلی جنس (اے آئی) ٹیکنالوجی سے لیس یونی ٹری ایچ 1 کو پہلے ہی دنیا کا تیز ترین روبوٹ قرار دیا جاتا ہے۔
ان روبوٹس نے انسانوں کے ساتھ رقص کیا اور کسی کو محسوس نہیں ہونے دیا کہ وہ انسانوں سے کم ہیں۔
ان انسان نما روبوٹس نے چین کے ایک روایتی ڈانس Yangko سے لوگوں کو محظوظ کیا۔
شمال مشرقی چین کے اس ڈانس کے دوران روبوٹس اور انسانوں کی حرکات لگ بھگ یکساں تھیں۔
خیال رہے کہ یہ روبوٹ 7.4 میل فی گھنٹہ کی رفتار سے چل سکتا ہے جو موجودہ عہد کے دیگر روبوٹس کے مقابلے میں متاثر کن رفتار ہے۔
یہ روبوٹ دوڑنے، چھلانگ لگانے، سیڑھیاں چڑھنے، سامان اٹھانے اور رقص جیسی سرگرمیاں کر سکتا ہے۔
5 فٹ 11 انچ لمبے اس روبوٹ کا وزن 50 کلو گرام سے بھی کم ہے۔
اسے تیار کرنے والی کمپنی کے مطابق یہ روبوٹ انسانوں جتنا اچھل سکتا ہے اور 30 کلو گرام تک وزنی چیزیں اٹھا سکتا ہے۔
اسی طرح یہ اپنا توازن برقرار بھی رکھ سکتا ہے اور دھکا دیے جانے پر خود کو سنبھال لیتا ہے۔
اس کے سر میں نصب کیمروں اور دیگر سنسرز کی بدولت یہ دنیا میں گھومنے کی صلاحیت بھی رکھتا ہے۔
مزید خبریں :
سعودی خاتون دوائیں خریدنےگھوڑے پر سوار ہوکر فارمیسی پہنچ گئیں
29 جنوری ، 2025
ایک عام شخص نے 6 کروڑ سال سے زائد پرانا فوسل دریافت کرلیا
29 جنوری ، 2025
انڈے میں انڈا، خاتون ایک انڈے میں دوسرا ثابت انڈا دیکھ کر حیران
29 جنوری ، 2025
بھارت میں خاتون موبائل فون نگلنے کے بعد جان سے ہاتھ دھو بیٹھی
28 جنوری ، 2025
سائنسدانوں نے مریخ کا اربوں سال پرانا اسرار حل کرلیا
26 جنوری ، 2025
