01 فروری ، 2025 
پی سی بی نے کم وقت میں قذافی اسٹیڈیم کی تکمیل کو دنیائے کرکٹ کا منفرد ریکارڈ قرار دیدیا
01 فروری ، 2025
پاکستان کرکٹ بورڈ( پی سی بی) نے 110 روز میں قذافی اسٹیڈیم کی 99 فیصد تکمیل کو دنیائے کرکٹ کا منفرد ریکارڈ قرار دیا ہے۔
چیئرمین پاکستان کرکٹ بورڈ محسن نقوی علی الصبح قذافی اسٹیڈیم پہنچ گئے جہاں انہوں نے مختلف فلورز اور ہاسپٹلٹی باکسز کے فنشنگ ورک کا معائنہ کیا۔
چیئرمین محسن نقوی نے باکسز کے سامنے لگائی ریلنگ کے معیار کو چیک کیا اور باکسز کے باہر لگائی نشتوں پر بیٹھ کر گراؤنڈ کے ویو کا جائزہ لیا۔
چیف آپریٹنگ آفیسر سمیر احمد نے فنشنگ ورک پر پیش رفت کے بارے بریفنگ دی۔
چیئرمین پی سی بی محسن نقوی نے فنشنگ ورک کو برق رفتاری سے مکمل کرنے کی ہدایت دیتے ہوئے کہا کہ فنشنگ ورک میں معیار کو ہر صورت یقینی بنایا جائے۔
چیئرمین محسن نقوی نے کہا کہ قذافی اسٹیڈیم تکمیل کے قریب ہے۔ وزیراعظم محمد شہباز شریف 7 فروری کو افتتاح کریں گے۔
ان کا کہنا تھا کہ چیمپئنز ٹرافی کے میچز دیکھنے والے شائقین نئے اسٹیڈیم کی سہولتوں سے لطف اندوز ہو سکیں گے۔
پاکستان کرکٹ بورڈ کی جانب سے صرف 110 روز میں قذافی اسٹیڈیم لاہور کی 99 فیصد تکمیل کو دنیائے کرکٹ کا منفرد ریکارڈ قرار دیا گیا ہے۔
تزئین و آرائش کے بعد 24 ہزار نشستوں والے قذافی اسٹیڈیم میں مزید 10 ہزار شائقین کے بیٹھنے کی گنجائش بنی ہے اور اب 34 ہزار سے زائد شائقین بیک وقت گراؤنڈ میں میچ سے لطف اندوز ہوں گے۔
مزید خبریں :
لاہور قذافی اسٹیڈیم کے چاروں طرف گہری خندق کھود دی گئی، کیوں؟
31 جنوری ، 2025
چیمپئنز ٹرافی کیلئے قومی ٹیم کا اعلان کردیا گیا
31 جنوری ، 2025
