02 فروری ، 2025 
اسلام آباد ائیرپورٹ پر خاتون مسافر کے جوتوں میں مہارت سے چھپائی گئی ڈیڑھ کلو آئس برآمد
02 فروری ، 2025
ائیرپورٹ سکیورٹی فورس (اے ایس ایف) کے عملے نے پشاور اور اسلام آباد ائیرپورٹ پر 3 مختلف کارروائیوں میں خاتون سمیت 3 ملزمان کو گرفتار کرکے منشیات برآمد کرلی۔
حکام کے مطابق اے ایس ایف کے عملے ایک دن میں دو ائیرپورٹس پر تین بڑی کارروائیاں کیں اور عملے نے پشاور سے دبئی کے مسافر کامران خان کے جوتوں سے تلاشی کے دوران 455 گرام چرس برآمد کی۔
اسی نوعیت کی دوسری کارروائی اسلام آباد ائیرپورٹ پر کی گئی جہاں عملے نے اسلام آباد سے بحرین کی پرواز کی مسافر خاتون کے جوتوں میں منشیات کی موجودگی کی نشاندہی کی۔ خاتون نے یہ منشیات اپنے جوتوں میں بڑی مہارت سے چھپارکھی تھی۔
اسلام آباد سے بحرین کیلئے سفر کررہے مسافر سے بھیگے کپڑے میں جذب 6.712 کلوگرام ہیروئن برآمد کی گئی۔
تین کارروائیوں میں مسافروں سے 455 گرام چرس، 1.840 کلوگرام آئس اور 6.712 کلوگرام ہیروئن میں بھیگے کپڑے برآمد کرکے بیرون ملک اسمگلنگ کی کوشش ناکام بنادی۔
تینوں ملزمان کو ابتدائی تفتیش کے بعد مزید قانونی کارروائی کیلئے برآمد شدہ منشیات کے ساتھ اے این ایف حکام کے حوالے کردیا۔
مزید خبریں :
کراچی: لانڈھی سے لاپتہ تاجر کی لاش 5 دن بعد مل گئی
4 گھنٹے پہلے
لاہور: 3 سالہ بیٹی کو قتل کرنے والی سوتیلی ماں گرفتار
02 فروری ، 2025
لاہور میں گاڑی سے 18سالہ نوجوان کی لاش برآمد
02 فروری ، 2025
