03 فروری ، 2025 
رجنی کانت کی فلم کے 44 سالہ پروڈیوسر نے خراب مالی حالات کے باعث خودکشی کرلی
03 فروری ، 2025
بھارت کی تامل فلم انڈسٹری کے 44 سالہ معروف پروڈیوسر سنکر کرشنا پرساد چوہدری (کے پی چوہدری) نے خودکشی کرلی۔
بھارتی میڈیا کے مطابق کے پی چوہدری نے رجنی کانت کی 2016 میں ریلیز ہونے والی فلم ’کبالی‘ بھی پروڈیوس کی تھی اور فلم نے باکس آفس پر 250 کروڑ سے زائد کا بزنس کیا تھا۔
بھارتی میڈیا کا کہنا ہے کہ کے پی چوہدری کی لاش بھارت کے سیاحتی شہر گوا میں ملی اور حکام نے ان کی خودکشی کی تصدیق کی۔
رپورٹس میں کہا گیا ہے کہ خودکشی کی وجوہات معلوم نہیں ہوسکی ہیں تاہم ان کی مالی حالات ٹھیک نہیں تھے۔
رپورٹس کے مطابق 2023 میں پولیس نے کے پی چوہدری کو منشیات کیس میں گرفتار کیا تھا اور ان سے 82گرام سے زائد ہیروئن برآمد کی تھی اور انہوں نے بھی منشیات کے استعمال کا اعتراف کیا تھا۔
مزید خبریں :
بوہیمیا کا اصلی نام کیا ہے؟ گلوکار نے خود بتا دیا
01 فروری ، 2025
اداکار احمد علی اکبر کی شادی کی خبریں گردش کرنے لگیں
01 فروری ، 2025
سلمان خان کی راکھی بہن خطرناک حادثے کا شکار
31 جنوری ، 2025
