04 فروری ، 2025 
علیحدہ گھر میں رہنے کی وجہ سے طلاق کا تناسب بڑھ رہا ہے: منیب بٹ
04 فروری ، 2025
پاکستانی اداکار منیب بٹ نے معاشرے میں طلاق کے بڑھتے رجحان کی مختلف وجوہات بتادیں۔
اداکار منیب بٹ نے ایک پوڈ کاسٹ میں شرکت کی جہاں انہوں نے معاشرے میں طلاق کے بڑھتے تناسب کے حوالے سے گفتگو کی۔
اداکار نے کہا کہ بہت سارے لوگ چاہتے ہیں شادی کرکے علیحدہ گھر میں رہیں، اس کا یہ نقصان ہوتا ہے کہ دونوں میاں بیوی الگ الگ گھر سے ہوتے ہیں تو دونوں کے درمیان مسائل پیدا ہوسکتے ہیں۔
منیب بٹ نے کہا کہ والدین کے ساتھ ہونے سے یہ فائدہ ہوتا ہے کہ اگر میاں بیوی کے درمیان کوئی بات ہو گئی ہے تو والدین سمجھاتے ہیں اور ثالثی کا کردار ادا کرتے ہیں جس سے مسائل حل کی طرف چلے جاتے ہیں۔
انہوں نے مزید کہا کہ اگر آپ اکیلے رہ رہے ہیں تو دونوں کو سمجھانے والا کوئی نہیں ہے، تو پھر ثالثی کا کردار ادا کرنے والا بھی کوئی نہیں ہوگا، جس سے مسئلہ خراب ہوسکتا ہے۔
مزید خبریں :
مفتی قوی راکھی ساونت سے شادی کیلئے تیار ہوگئے
03 فروری ، 2025
مقبول ایشیائی اداکارہ باربی شُو نمونیا کے باعث انتقال کرگئیں
03 فروری ، 2025
