05 فروری ، 2025 
فٹبال کی دنیا کا بے تاج بادشاہ کرسٹیانو رونالڈو نے زندگی کی 40 بہاریں دیکھ لیں
05 فروری ، 2025
فٹبال کی دنیا کا بے تاج بادشاہ اور پرتگال کی شان کرسٹیانو رونالڈو نے زندگی کی 40 بہاریں دیکھ لیں۔
دنیا بھر میں گولز کے انبار لگائے، انتھک محنت اور لگن سے اپنے ٹیلنٹ کا لوہا منوایا، اربوں مداحوں کے دلوں میں گھر کیا، رونالڈو کیریئر میں 900 گول کرنے والے پہلے فٹبالر بنے۔
کرسٹیانو رونالڈو نے پرتگال کو کئی اہم فتوحات دلوائیں، 2016 میں یورو کپ جیتا، جس کلب کے لیے کھیلے اہم اثاثہ ثابت ہوئے۔
اس کے علاوہ انہوں نے 5 چیمپئنز لیگ ٹائٹل اپنے نام کیے، 5 مرتبہ بیلن ڈور ایوارڈ بھی جیتا، اسپورٹنگ، مانچسٹر یونائیٹڈ، ریال میڈرڈ، یووینٹس اور النصر کے ساتھ کھیلتے ہوئے فتوحات سمیٹیں۔
اسپورٹس تجزیہ کاروں کا کہنا ہے کہ لیجنڈ کرسٹیانو رونالڈو فٹبال تاریخ میں ہمیشہ زندہ رہے گے اور ہر نسل انہیں یاد رکھے گی۔
