05 فروری ، 2025 
آئی سی سی پلیئرز رینکنگ جاری: ٹی ٹوئنٹی ٹاپ 10 بولرز میں کوئی پاکستانی شامل نہیں
05 فروری ، 2025
انٹرنیشنل کرکٹ کونسل (آئی سی سی) نے ٹیسٹ پلیئرز رینکنگ جاری کر دی۔
انگلینڈ کے جو روٹ نمبر ون ٹیسٹ بیٹر برقرار ہیں جبکہ آسٹریلیا کے اسٹیو اسمتھ تین درجے ترقی کے بعد 5 ویں نمبر پرآگئے ہیں۔
سری لنکا کے کمیندو مینڈس ایک درجے ترقی کے ساتھ چھٹے نمبر پر موجود ہیں جبکہ آسٹریلیا کے عثمان خواجہ 6 درجے ترقی کے بعد 11 ویں نمبرپرآگئے۔
پاکستان کے وائٹ بال ٹیم کے کپتان محمد رضوان 16 ویں اور بابر اعظم 19 ویں نمبر پر موجود ہیں۔
اس کے علاوہ ٹیسٹ بولرز میں بھارت کے جسپریت بمرا کا پہلا نمبر برقرار ہے جبکہ ٹیسٹ بولرز میں پاکستان کے نعمان علی 5 ویں نمبر پر موجود ہیں۔ آسٹریلیا کے نیتھن لیون دو درجے ترقی کے بعد چھٹے نمبر پر آ گئے۔
ٹیسٹ آل راؤنڈرز میں رویندرا جڈیجا کا پہلا نمبر ہے جبکہ ٹی ٹوئنٹی بیٹرز میں آسٹریلیا کے ٹریوس ہیڈ کی پہلی پوزیشن برقرار ہے۔
بھارت کے ابھیشک شرما لمبی چھلانگ لگاتے ہوئے 38 درجے ترقی کے بعد دوسرے نمبر پرآگئے، ٹی ٹوئنٹی بیٹرز میں بابر اعظم ایک درجے تنزلی کے بعد 7 ویں نمبرپر چلےگئے۔
ٹی ٹوئنٹی بیٹرز میں رضوان ایک درجے تنزلی کے بعد 9 ویں نمبرپر چلےگئے، ویسٹ انڈیز کے عقیل حسین ایک درجے ترقی کے بعد دوبارہ نمبر بولر بن گئے۔
انگلینڈ کے عادل رشید ایک درجے تنزلی کے بعد دوسرے نمبر پرآگئے جبکہ بھارت کے وارون چکرورتھی تین درجے ترقی کے بعد تیسرے نمبر پر آگئے۔
بھارت کے روی بشنوئی چار درجے ترقی کے بعد چھٹے نمبر پرآگئے، ٹی ٹوئنٹی ٹاپ ٹین بولرز میں پاکستان کا کوئی کھلاڑی شامل نہیں، ٹی ٹوئنٹی آل راؤنڈرز میں بھارت کے ہاردیک پانڈیا پہلے نمبرپر موجود ہے۔
مزید خبریں :
پی سی بی نے پاکستان سپر لیگ کے دسویں ایڈیشن کا لوگو جاری کر دیا
05 فروری ، 2025
