07 فروری ، 2025 
بھارت میں اسکول جانے سے بچنے کیلئے طالب علم نے اسکول کو دھمکی آمیز ای میل کردی
07 فروری ، 2025
نئی دہلی: بھارتی شہر نوئیڈا میں اسکولوں کو بم سے اڑانے کی دھمکی دینے کے الزام میں پولیس نے 9ویں جماعت کےطالب علم کوحراست میں لےلیا۔
بھارتی میڈیا کے مطابق طالب علم نے 4 اسکولوں کو دھمکی آمیز ای میل بھیجی تھیں جن میں اسکول میں بم کی موجودگی کا کہا گیا تھا۔
پولیس کےمطابق طالب علم نے اپنی لوکیشن چھپانےکے لیے وی پی این کا بھی استعمال کیا تھا۔
بھارتی میڈیا کے مطابق گزشتہ سال دسمبر میں دہلی کے 40 اسکولوں کو اسی قسم کی دھمکی آمیز ای میلز موصول ہوئی تھیں جبکہ گزشتہ ماہ پولیس نے 12 ویں جماعت کے ایک طالب علم کو گرفتار کیا تھا جس نے کم از کم 23 اسکولوں دھمکی آمیز ای میلز بھیجی تھیں۔
بھارتی میڈیا کے مطابق آج گرفتار ہونے والے طالب علم نے اسکول جانے سے بچنے کے لیے دھمکی آمیز ای میلز بھیجیں تھیں۔
پولیس کے مطابق طالب علم نے ماضی میں اس قسم کی ای میلز سے ہونے والی افراتفری کو دیکھتے ہوئے ایسی میلز بھیجنے کا فیصلہ کیا اور وی پی این کا استعمال سیکھنے کے لیے بھی یوٹیوب کا سہارا لیا۔
مزید خبریں :
گزشتہ مہینہ انسانی تاریخ کا گرم ترین جنوری قرار
10 گھنٹے پہلے
امریکی وزیرخارجہ کا جی 20 سمٹ میں شرکت نہ کرنے کا اعلان
07 فروری ، 2025
امریکی صدر ٹرمپ نے ایران پر مزید پابندیاں لگادیں
07 فروری ، 2025
