09 فروری ، 2025 
پاکستان
8 فروری 2024 کے انتخابات میں خیبر پختونخوا میں بھی دھاندلی کے ذریعے اکثریت بنائی گئی، جے یو آئی سربراہ/ فائل فوٹو
8 فروری کے الیکشن میں چاروں صوبوں میں بدترین دھاندلی کی گئی، مولانا فضل الرحمان
09 فروری ، 2025
جے یو آئی (ف) کے سربراہ مولانا فضل الرحمان نے کہا ہے کہ 8 فروری 2024 کے انتخابات میں ملک کے چاروں صوبوں میں بدترین دھاندلی گئی۔
مردان میں گفتگو کرتے ہوئے مولانا فضل الرحمان نے کہا کہ 8 فروری کا دن ملک کی تاریخ کا سیاہ ترین دن ہے، عوامی مینڈیٹ پر کسی کو شب خون مارنے کا حق نہیں ہے۔
انہوں نے کہا 8 فروری کے الیکشن میں چاروں صوبوں میں بدترین دھاندلی کی گئی جبکہ خیبر پختون خوا میں بھی دھاندلی کے ذریعے اکثریت بنائی گئی۔
جے یو آئی سربراہ نے مزید کہا کہ حکومت کے معاشی ترقی کے دعووں میں کوئی حقیقت نہیں ہے۔
