10 فروری ، 2025 
ایران پر بمباری کے بجائے نیوکلیئر ڈیل کو ترجیح دوں گا: ڈونلڈ ٹرمپ
10 فروری ، 2025
امریکا کے صدر ڈونلڈ ٹرمپ کا کہنا ہے کہ ایران پر بمباری کرنے کے بجائے ایران سے ایٹمی ڈیل کرنے کو ترجیح دوں گا۔
امریکی اخبار کو انٹرویو میں ڈونلڈ ٹرمپ نے کہا اگر ہم معاہدہ کر لیتے ہیں تو اسرائیل ایران پر بمباری نہیں کرے گا، یہ نہیں بتا سکتا کہ ہم ایران کو کیا کہنے جا رہے ہیں تاہم امید ہے ایران جو کرنے کا سوچ رہا ہے وہ نہیں کرے گا۔
یاد رہے کہ اس سے قبل بھی امریکا کے صدر ڈونلڈ ٹرمپ نے ایران پر پابندیاں لگانے کا اعلان کرتے ہوئے کہا تھا تہران کے ساتھ جوہری معاہدہ کریں گے۔
ڈونلڈ ٹرمپ کے بیان پر ردعمل دیتے ہوئے ایران کے روحانی پیشوا آیت اللہ خامنہ ای نے امریکا کے ساتھ مذاکرات نہ کرنے کا اعلان کرتے ہوئے کہا تھا کہ امریکا کے ساتھ مذاکرات سمجھداری اور قابل احترام نہیں ہوں گے۔
ایرانی سپریم لیڈر کا کہنا تھا مذاکرات سے انکار کی وجہ یہ ہے کہ ہمارا تجربہ ہمیں یہ بتاتا ہے، ایران نے ماضی میں بہت سی رعایتیں دیں مگر امریکا نے ان معاہدوں کو توڑ دیا، ایسی حکومت کے ساتھ بات چیت نہیں ہونی چاہیے۔
آیت اللہ خامنہ ای کا کہنا تھا اگر امریکا نے ہماری سلامتی کو خطرے میں ڈالا تو ہم ان کی سکیورٹی کو خطرے میں ڈالیں گے۔
مزید خبریں :
چین کیجانب سے امریکی مصنوعات پر آج سے جوابی ٹیکس کا نفاذ
10 گھنٹے پہلے
ڈونلڈ ٹرمپ غزہ کو خریدنے اور اس کی ملکیت کے بیان پر قائم
10 فروری ، 2025
