10 فروری ، 2025 
کراچی: شادی میں فائرنگ سے بچی کی ہلاکت، گرفتار پولیس اہلکار دلہے اور ساتھیوں پر مقدمہ درج
10 فروری ، 2025
کراچی کےعلاقے موسیٰ لین میں شادی کی تقریب میں ہوائی فائرنگ سے بچی کے جاں بحق ہونےکا مقدمہ گرفتار پولیس اہلکار دلہے اور اس کے دیگر ساتھیوں کے خلاف درج کر لیا گیا ہے۔
پولیس کے مطابق فائرنگ میں ملوث پولیس اہلکار دلہے کو گرفتار کرلیا گیا ہے اور مقدمے میں 7 افراد کو نامزد کیا گیا ہے۔
پولیس کے مطابق ڈاکس تھانے کے ساتھ پولیس کوارٹر میں شادی کی تقریب میں ایس ایم جی، نائن ایم ایم اور 30 بور ہتھیار استعمال ہوئے، ملزم آفتاب کراچی پولیس چیف آفس میں تعینات ہے۔
پولیس کے مطابق بچی کے قتل کا دوسرا مقدمہ بھی بغدادی پولیس اسٹیشن میں درج کیا گیا، دلہا اور ساتھی ڈاکس تھانے کے ساتھ پولیس کوارٹر میں فائرنگ کرتے رہے، ڈاکس پولیس نے متعداد خول برآمد کیے ہیں۔
پولیس کا بتانا ہے کہ ہوائی فائرنگ کا مقام اور بچی کی ہلاکت کی جگہ میں تقریباً ایک کلو میٹرکا فاصلہ ہے، مقدمے کی ہر پہلو سے تحقیقات کی جا رہی ہیں۔
مزید خبریں :
لاہور: خاتون کی نازیبا ویڈیو بنانے والا کانسٹیبل گرفتار
09 فروری ، 2025
کراچی میں قاتل ڈمپر بے لگام، مزید تین شہریوں کو روند دیا
08 فروری ، 2025
سی ٹی ڈی نے پنجاب بھر سے 15 مبینہ دہشتگردوں کو گرفتار کرلیا
08 فروری ، 2025
