11 فروری ، 2025 
ویڈیو: مودی مصافحے کیلئے ہاتھ بڑھاتے رہ گئے، فرانسیسی صدر نظر انداز کرکے گزرگئے
11 فروری ، 2025
پیرس: فرانسیسی صدر امانیول میکرون نے عالمی رہنماؤں سے ہاتھ ملاتے ہوئے نریندر مودی کو نظر انداز کردیا۔
فرانسیسی صدر جب پیرس میں ہونے والے مصنوعی ذہانت سے متعلق سمٹ میں پہنچے تو انہوں نے وہاں پہلے سے موجود عالمی رہنماؤں سے مصافحہ کیا۔
اس موقع کی ویڈیو میں دیکھا جاسکتا ہے کہ حاضرین سے مصافحہ کرتے ہوئے امانیول میکرون بھارتی وزیر اعظم نریندر مودی کی نشست کے قریب پہنچے اور ان کے ساتھ بیٹھے امریکی نائب صدر جے ڈی وانس سے ملے جس کے بعد مودی نے فرانسیسی صدر سے مصافحے کے لیے ہاتھ بڑھایا۔
تاہم فرانسیسی صدر نے مودی کو نظر انداز کیا اور ان کے ساتھ بیٹھے اقوام متحدہ کے سیکرٹری جنرل انتونیو گوتریس سے ملنے لگے، اس موقع پر وہ یورپی کمیشن کی صدر ارسلا وون دیرلائن سے بھی بہت تپاک سے ملے۔
مزید خبریں :
ٹرمپ نے اسٹیل اور المونیم کی درآمدات پر 25 فیصد ٹیرف لگادیا
11 فروری ، 2025
