12 فروری ، 2025 
راولپنڈی: گھر سے فرار ہونیوالی بھتیجی کو چچا نے زہر دےکر مار ڈالا، لاش دفنا دی
12 فروری ، 2025
راولپنڈی میں بیٹے کی منگیتر کو چچا نے زہر دیکر قتل کر ڈالا اور لاش دفنا دی۔
راولپنڈی کے تھانہ جاتلی کی حدود میں لڑکی کو مبینہ طور پر غیرت کے نام پر چچا نے قتل کر ڈالا۔
پولیس کے مطابق لڑکی کو مبینہ طور پر اس کے چچا نے زہریلی گولیاں کھلا کر قتل کیا، لڑکی کی منگنی چچا کے بیٹے کے ساتھ طے ہوئی تھی لیکن لڑکی 3 فروری کو گھر سے فرار ہو گئی تھی۔
ایف آئی آر کے مطابق لڑکی کو اس کا چچا اپنے گھر لایا اور کمرے میں بند کر دیا، لڑکی کو مبینہ طور پر زہریلی گولیاں دی گئیں جس سے اس کی موت واقع ہو گئی، ملزم نے قتل کے بعد لڑکی کی تدفین کر دی تھی۔
مقدمے کے مطابق پولیس نے مقتولہ کی قبر کشائی کے بعد لاش پوسٹ مارٹم کے لیے اسپتال منتقل کر دی ہے، مقتولہ کے چچا اور والد کو شامل تفتیش کر لیا گیا ہے۔
