12 فروری ، 2025 
خراب انگریزی کی وجہ سے میرا پر کیسے برطانیہ میں داخلے پر 10 سال کی پابندی لگی؟
12 فروری ، 2025
اداکارہ میرا خود پر برطانیہ کے دروازے 10 برس کیلئے بند کروا بیٹھیں۔
والدہ کا نام غلط بنانے اور ٹرانزٹ کی جگہ ٹرانزیکشن بولنے پر امیگریشن حکام نے میرا کو لندن سے واپس کردیا تھا۔
امیگریشن حکام نے میرا پر 10 برس تک برطانیہ داخلے پر بھی پابندی کردی تھی، اب یہ مدت ختم ہوچکی۔
جیو نیوز کو انٹرویو میرا کی والدہ شفقت زہرہ بخاری نے دلچسپ انکشافات کیے اور بتایاکہ برطانوی ہائی کمیشن سے درخواست ہے کہ میرا کو ویزا جاری کیا جائے، میرا کو لندن میں امیگریشن والوں کی انگریزی سمجھ نہیں آئی تھی اور نہ انھیں میرا کی سمجھ آئی۔
ان کا کہنا تھاکہ میرا اور امیگریشن حکام کے درمیان غلط فہمی ہو گئی تھی۔
شفقت زہرہ بخاری نے بتایاکہ میرا آرٹسٹ ہے، اس کا لندن آنا ضروری ہے، اس کی نئی فلم میں لندن کے سین فلمبند کرنا ضروری ہیں، یہ 10 برس پرانی بات ہے اب تو میرا بہت اچھی انگریزی بولتی ہے۔
ان کا کہنا تھاکہ کئی انویسٹرز میرا کے ساتھ نئے پروجیکٹس شروع کرنا چاہ رہے ہیں، میرا کی کمپنی ڈرامے اور فلمیں بنارہی ہیں اور شان کے ساتھ بھی فلم بنارہی ہیں، میرا بہت ذہین ہے اور اسے ہیڈ لائن میں رہنے کا آرٹ آتا ہے، میرا انتہائی فرمانبردار ہے، میرے پاؤں چومتی ہے۔
شفقت زہرہ بخاری نے کہا کہ میرا نے جو بھی کمایا میرے حوالے کیا، بھائیوں اور بہنوں کو بھی اس پڑھایا، میرا کی شادی قائم ہے اور سسرال والوں کے ساتھ تعلقات اچھے ہیں۔
مزید خبریں :
اداکارہ سعدیہ غفار کے ہاں بیٹے کی پیدائش
7 گھنٹے پہلے
چاہت فتح علی خان نے اپنی میوزک اکیڈمی بنانےکا اعلان کردیا
11 فروری ، 2025
