13 فروری ، 2025 
مفرور مچھلی کو پکڑیں اور 12 ہزار روپے پائیں
13 فروری ، 2025
ناروے میں ایک سی فوڈ کمپنی کی ہزاروں سالمن مچھلیاں ایک فش فارم سے غائب ہوگئیں تو اس نے لوگوں کو ایک دلچسپ پیشکش کی۔
کمپنی کی جانب سے اعلان کیا گیا ہے کہ ہر ایک مفرور مچھلی کو پکڑنے پر آپ کو 45 ڈالرز (12 ہزار 500 روپے سے زائد) کا انعام دیا جائے گا۔
Mowi نامی کمپنی کی جانب سے جاری بیان میں بتایا گیا کہ اس کے فش فارم سے ایک لاکھ 5 ہزار مچھلیاں فرار ہوکر شمال مغربی ناروے کے کھلے پانیوں میں داخل ہوگئی تھیں۔
بیان میں بتایا گیا کہ فش فارم کو کھلے پانیوں سے الگ رکھنے کے لیے لگائی گئی رکاوٹوں کو طوفانی موسم کے باعث نقصان پہنچا تھا۔
کمپنی نے بتایا کہ ملک بھر میں کوئی بھی اگر کسی مفرور مچھلی کو پکڑ کر دے گا تو فی مچھلی 45 ڈالرز دیے جائیں گے۔
نارویجن حکام کے مطابق کمپنیوں کی جانب سے عموماً مچھلیوں کو پکڑنے کے اس طرح کے آپریشنز کی اجازت ان کے فش فارمز سے ملحق 1640 فٹ کے علاقے میں دی جاتی ہے، مگر Mowi کو وسیع پیمانے پر آپریشن کی اجازت دی گئی ہے کیونکہ مچھلیوں کی تعداد بہت زیادہ ہے۔
ماہرین کے مطابق فارم سے فرار ہونے والی مچھلیاں اس خطے کے پانیوں میں موجود جنگلی سالمن کے لیے خطرہ ثابت ہوسکتی ہیں۔
مزید خبریں :
کیا دانت برش کرکے فوری کُلی کرنی چاہیے؟
6 گھنٹے پہلے
ایک بلی نے 'طیارے' کو ہائی جیک کرلیا تو پھر کیا ہوا؟
12 فروری ، 2025
شوہر کی وہ عام عادت جو بیوی سے تعلق کو بری طرح خراب کرتی ہے
12 فروری ، 2025
سائنسدانوں نے زمین کی گہرائی میں چھپا حیرت انگیز راز جان لیا
11 فروری ، 2025
بھارتی وی لاگر نے اپنے گنجے سر کو کمائی کا ذریعہ بنالیا
09 فروری ، 2025
