14 فروری ، 2025 
لندن: ترک قونصل خانے کے باہر قرآن پاک نذر آتش کرنے کی کوشش
14 فروری ، 2025
لندن میں ترک قونصل خانے کے باہر گزشتہ روز ایک شخص نے قرآن پاک نذر آتش کرنے کی کوشش کی۔
برطانوی میڈیا کے مطابق سماجی رابطے کے پلیٹ فارم ایکس پر جاری ہونے والی ایک ویڈیو میں دیکھا جاسکتا ہے کہ ایک نامعلوم شخص ترک قونصل خانے کے باہر قرآن پاک کو نذر آتش کررہا ہے جس کے بعد ایک اور شخص اس کے ہاتھ سے قرآن پاک لے کر اس شخص کو زمین پر گرا کر اسے لاتیں مارتا ہے اور اس پر تھوکتا ہے۔
عینی شاہدین کے مطابق حملہ آور نے چاقو نکال کر قرآن پاک نذر آتش کرنے والے شخص کو زخمی کیا۔
مقامی پولیس کے مطابق پولیس کو گزشتہ روز دوپہر 2 بج کر 11 منٹ پر ایک شخص پر حملے کی اطلاع ملی، متاثرہ شخص کو انگلی پر چوٹ آئی تاہم اسے چاقو کے زخم نہیں آئے۔
پولیس کے مطابق اہلکار چند منٹوں میں موقع پر پہنچے اور ایک شخص کو خطرناک ہتھیار رکھنے اور شدید جسمانی نقصان پہنچانے کے شبہے میں گرفتار کرلیا۔
مزید خبریں :
لاؤس میں دھماکے سے 3 چینی باشندوں سمیت 4 افراد ہلاک
12 گھنٹے پہلے
پوپ فرانسس طبیعت ناساز ہونے پر اسپتال میں داخل
15 فروری ، 2025
امریکا نے یورپ کو آزادی اظہار کا لیکچر دے دیا
15 فروری ، 2025
