14 فروری ، 2025 
کراچی ڈیفنس سے اغوا نوجوان مصطفیٰ کی لاش مل گئی، قتل کے بعد اسی کی گاڑی میں جلادیا گیا
14 فروری ، 2025
کراچی کے علاقے ڈیفنس سے 6 جنوری کو اغوا ہونے والے مصطفیٰ عامر کی لاش مل گئی۔
کراچی کے علاقے ڈیفنس سے اغوا ہونے والے مصطفیٰ عامرکے معاملے میں نئے حقائق سامنے آگئے۔ ڈی آئی جی سی آئی اے مقدس حیدر نے تصدیق کی کہ مصطفیٰ کے قتل میں اس کا گرفتار دوست ارمغان ہی ملوث ہے۔
ان کا کہنا تھاکہ مصطفیٰ کو قتل کے بعد اسی کی گاڑی میں حب کے قریب لے جاکر گاڑی سمیت جلادیا گیا۔
ان کا کہنا ہے کہ کیس سے متعلق دیگر شواہد جمع کیے جارہے ہیں جس کے بعد ملزم ارمغان کا ریمانڈ حاصل کیا جائے گا، واردات میں شامل ارمغان کے دوسرے ساتھی کو بھی گرفتار کیا گیا، شیراز کو گرفتار کیا تو اس کی نشاندہی پر لاش اورگاڑی کی تصدیق ہوئی۔
مقدس حیدر نے بتایاکہ حب کے تھانے میں نامعلوم جلی ہوئی گاڑی اورلاش کا مقدمہ درج کیا گیا تھا، لاش کوبلوچستان پولیس نے ایدھی کے حوالے کیا، ایدھی نے لاش کو لاوارث سمجھ کردفنا دیا، لاش کو نکالنے کے بعد ڈی این اے سے دوبارہ تصدیق کی جائے گی۔
مزید خبریں :
صوابی میں باپ نے 4 بچوں کو ذبح کرکے خودکشی کرلی
13 فروری ، 2025
مظفر گڑھ: اینٹی ریپ ایکٹ کے تحت مزید 2 خواتین کے خلاف مقدمات درج
12 فروری ، 2025
