15 فروری ، 2025 
راجپال یادیو بھی پاکستان اداکاروں کے معترف، کس پاکستانی لیجنڈ کی کیسٹ سنتے تھے؟
15 فروری ، 2025
بالی وڈ میں اپنی کامیڈی سے دلوں پر راج کرنے والے راجپال یادیو بھی پاکستانی اسٹارز کے معترف نکلے۔
بھارتی اداکار راجپل یادیو نے دبئی میں پاکستان یوٹیوبر کے پوڈ کاسٹ میں شرکت کی جس میں انہوں نے شوبز انڈسٹری سمیت پاکستان کے حوالے سے گفتگو کی۔
میزبان کی جانب سے پاکستان مخالف فلموں کے سوال پر بات کرتے ہوئے راج پال نے کہا کہ یہ ایک حساس سوال ہے، ہم ہر سال تقریباً 500 فلمیں بناتے ہیں جن میں کچھ انٹرٹینمنٹ اور کچھ ایکشن فلمز ہوتی ہیں لیکن آخر میں فلموں میں کام کرنے والے انسان ہیں اور اپنے کام سے جذبات کو دکھاتے ہیں۔
انہوں نے کہا کہ ان 500 فلموں میں سے صرف 2 فلمیں ایسی ہوتی ہیں جو تاریخ یا تنازع پر مبنی ہوتی ہے، میں نے اسی طرح کی ایک فلم کی تھی لیکن پختہ ہونے اور کامیابی حاصل کرنے کے بعد میں نے کسی ایسی فلم کا حصہ نہ بننے کا انتخاب کیا جس سے پاکستان یا بھارت دونوں کے جذبات مجروح ہوں۔
پاکستانی لیجنڈ کامیڈین عمر شریف اور معین اختر پر بات کرتے ہوئے بھارتی اداکار کاکہنا تھا کہ عمر شریف اور معین اختر اپنے فن کے بادشاہ تھے، ہم عمر شریف کی آڈیو کیسٹ سنتے تھے، وہ اسٹارز تھے اور قدرتی طور پر تخلیقی صلاحیتوں سے نوازے گئے تھے۔
مزید خبریں :
پاکستانی مردوں نے مجھے بہت رلایا ہے: راکھی ساونت
11 گھنٹے پہلے
اداکارہ جیکولین کو ویلنٹائن ڈے پر قیمتی جہاز کس نے تحفے میں دیا؟
15 فروری ، 2025
بالی وڈ موسیقار و گلوکار وشال ددلانی حادثے میں زخمی، کنسرٹ ملتوی
15 فروری ، 2025
چاہت فتح علی خان اور اداکارہ میرا کے گانے کی ویڈیو وائرل
14 فروری ، 2025
