15 فروری ، 2025 
چین: ڈوبتے شخص کو بچانے والا گھوڑا چل بسا، حکومت نے اعزاز میں مجسمہ لگا دیا
15 فروری ، 2025
چین میں دریا میں ڈوبتے شخص کو بچانے والا گھوڑا چل بسا۔
غیر ملکی میڈیا کے مطابق چین میں ایک 7 سالہ گھوڑا ڈوبنے والے شخص کو بچانےکے چند دن بعد بیماری سے مرگیا۔
رپورٹس کے مطابق اس گھوڑے کا نام بیلونگ تھا جس کا مطلب ’سفید ڈریگن‘ ہے، چین کے وسطی صوبے ہوبی میں دریا کنارے اس گھوڑے کو مالک کی جانب سے تربیت دی جا رہی تھی کہ ایک شخص پانی میں گرگیا جس کے بعد مالک نے گھوڑے پر سوار ہوکر دریا میں چھلانگ لگائی اور ڈوبتے ہوئے شخص کو بچانے کی کوشش کی۔
گھوڑے کے مالک نے بتایا کہ بیلونگ اس سے پہلے کبھی پانی میں نہیں گیا تھا لیکن وہ دریا میں چھلانگ لگانے سے نہیں ہچکچاتا تھا، میرا حکم مانتے ہوئے بیلونگ دریا میں کودا اور ڈوبتے شخص کو بچانے میں اہم کردار ادا کیا۔
گھوڑے کے مالک نے یہ بھی بتایا کہ ریسکیو کے کچھ دن بعد بیلونگ کو تیز بخار ہوا اور اس نے کھانا پینا بھی چھوڑ دیا تھا، جانوروں کے ڈاکٹر نے معائنہ کیا جس پر اسے آنتوں کے انفیکشن کی تشخیص ہوئی جو گھوڑوں میں ایک عام بیماری ہے۔
میڈیا رپورٹس کے مطابق رواں ماہ 10 فروری کو گھوڑے نے کھانا پینا چھوڑ دیا تھا اور 11 فروری کو وہ دنیا سے چل بسا۔
رپورٹس کے مطابق حکومت نے اس گھوڑے کی بہادری کو سراہتے ہوئے دریا کے قریب گھوڑے کا مجسمہ بنانے کا اعلان کیا ہے۔
مزید خبریں :
مفرور مچھلی کو پکڑیں اور 12 ہزار روپے پائیں
13 فروری ، 2025
کیا دانت برش کرکے فوری کُلی کرنی چاہیے؟
13 فروری ، 2025
ایک بلی نے 'طیارے' کو ہائی جیک کرلیا تو پھر کیا ہوا؟
12 فروری ، 2025
شوہر کی وہ عام عادت جو بیوی سے تعلق کو بری طرح خراب کرتی ہے
12 فروری ، 2025
