16 فروری ، 2025 
پاکستان
2 لالکھ سولر سسٹم دینے کا پروگرام پہلے ہی چل رہا ہے جس میں سے 50 ہزار سسٹم پہنچ چکے ہیں/ فائل فوٹو
سندھ حکومت کا مزید 5 لاکھ گھروں کو سولر سسٹم دینے کا فیصلہ
16 فروری ، 2025
سکھر: وزیراعلیٰ سندھ مراد علی شاہ نے کہا ہے کہ اس سال مزید 5 لاکھ سولر سسٹم تقسیم کریں گے ۔
سکھر میں گفتگو کرتے ہوئے مراد علی شاہ نے کہا کہ اس سال 2 لاکھ سولرسسٹم دینے کا فیصلہ کیا تھا جو بے نظیرانکم سپورٹ پروگرام کے تحت تقسیم کیے جائیں گے جن میں سے 50 ہزار سولر سسٹم آچکے ہیں اور باقی جلد آنے ہیں۔
وزیراعلیٰ سندھ نے کہا کہ چیئرمین پیپلزپارٹی بلاول بھٹو کی ہدایت پر مزید 5 لاکھ سولر سسٹم اسی سال غریبوں کو دیں گے۔
انہوں نے کہا کہ کراچی میں 15 ہزارٹن کچرااکٹھا کررہے ہیں جس سے 50 میگا واٹ بجلی بنانے کا منصوبہ ہے۔
