19 فروری ، 2025 
ون ڈے رینکنگ: بابرسے نمبر ون پوزیشن چھن گئی، بھارتی بیٹر پہلی پوزیشن پر آگیا
19 فروری ، 2025
دبئی: انٹرنیشنل کرکٹ کونسل ( آئی سی سی) نے ون ڈے پلیئر ز کی رینکنگ جاری کردی۔
آئی سی سی کی جانب سے جاری رینکنگ کے مطابق بھارت کےشبمن گل ون ڈے کے نمبر ون بیٹر بن گئے ہیں جب کہ پاکستان کے سابق کپتان بابراعظم ایک درجہ تنزلی کے بعد اب دوسرے نمبرپر چلےگئے ہیں۔
بھارتی کرکٹر شبمن گل کے 796 اور بابراعظم کے 773 رینکنگ پوائنٹس ہیں۔
رینکنگ میں بھارت کے روہت شرما تیسرے،جنوبی افریقا کے اینرخ کلاسن ایک درجہ بہتری کے بعد چوتھے اور نیوزی لینڈ کےڈیرل مچل2 درجے بہتری کے بعد پانچویں نمبر پر آگئے ہیں۔
پاکستان کے فخرزمان ایک درجہ تنزلی کے بعد 14 ویں اور کپتان محمد رضوان 6 درجےبہتری کے بعد15 ویں نمبر پر پہنچ گئے ہیں۔
آئی سی سی ون ڈے بولرز کی رینکنگ میں سری لنکا کے مہیش تھیکشانا نمبر ون بولر بن گئے ہیں جب کہ راشد خان ایک درجہ تنزلی کے بعد دوسرے اور شاہین آفریدی ایک درجہ تنزلی کے بعد 5 ویں پوزیشن پر چلے گئے ہیں۔
نیوزی لینڈ کے مچل سینٹنر 5 درجے ترقی کے بعد ساتویں نمبر پر پہنچ گئے ہیں۔
مزید برآں ون ڈے آل راؤنڈرز رینکنگ میں افغانستان کے محمد نبی کی پہلی پوزیشن برقرار ہے۔
مزید خبریں :
محمد شامی نے ثقلین مشتاق کا ریکارڈ برابر کردیا
7 گھنٹے پہلے
ناقص منصوبہ بندی، بڑے ناموں کی چھوٹی پرفارمنس اور شکست
11 گھنٹے پہلے
