19 فروری ، 2025 
وزیراعظم کی چیف جسٹس سے ملاقات، زیر التوا ٹیکس کیسز میں میرٹ پر جلد فیصلوں کی استدعا
19 فروری ، 2025
وزیراعظم شہبازشریف نے چیف جسٹس آف پاکستان جسٹس یحییٰ آفریدی سے ملاقات کی۔
اعلامیے کے مطابق ملاقات میں وفاقی وزرا اعظم نذیر تارڑ، احد خان، اٹارنی جنرل، رجسٹرار سپریم کورٹ،سیکرٹری لا اینڈ جسٹس کمیشن بھی شریک تھے۔
وزیرِ اعظم نے چیف جسٹس کو اپنی ذمہ داریاں سنبھالنے پر مبارکباد پیش کی اور نیک خواہشات کا اظہار کیا۔
وزیرِ اعظم نے چیف جسٹس کے جنوبی پنجاب، اندرون سندھ اور خیبر پختونخوا کے دور دراز علاقوں کے دورے کو بھی سراہا۔ اعلامیے کے مطابق وزیر اعظم نے چیف جسٹس کے انصاف کی بروقت فراہمی کیلئے تمام اسٹیک ہولڈرز سے مشاورت کو سراہا۔
اعلامیے میں بتایا گیا ہے کہ ملاقات میں وزیرِ اعظم نے ملکی معاشی و سکیورٹی چیلنجز پر بھی گفتگو کی اور ملک کی مختلف عدالتوں میں طویل مدت سے زیر التوا ٹیکس تنازعات کے حوالے سے آگاہ کیا۔
اعلامیے کے مطابق وزیراعظم نے چیف جسٹس سے ان کیسز میں میرٹ پر جلد فیصلوں کی استدعا کی جبکہ چیف جسٹس نے وزیراعظم سےنظام انصاف میں بہتری لانے کیلئے تجاویز بھی مانگ لیں۔
چیف جسٹس یحییٰ آفریدی نے وزیراعظم کی نظام انصاف کی بہتری کیلئےگفتگو کا خیرمقدم کیا۔ وزیراعظم نے چیف جسٹس کولاپتا افراد سے متعلق اقدامات میں تیزی لانے کی بھی یقین دہانی کروائی۔
مزید خبریں :
حکومت نے سی ایس ایس کے نظام میں تبدیلی کی تیاری کرلی
2 گھنٹے پہلے
سوات، بونیر سمیت ملاکنڈ ڈویژن میں زلزلے کے جھٹکے
7 گھنٹے پہلے
