20 فروری ، 2025 
بی جے پی کی ریکھا گپتا نے نئی دہلی کی وزارت اعلیٰ کا حلف اٹھالیا
20 فروری ، 2025
بھارتیہ جنتا پارٹی (بی جے پی) سے تعلق رکھنے والی ریکھا گپتا نے نئی دہلی کی وزارت اعلیٰ کا حلف اٹھالیا۔
بھارتی میڈیا کے مطابق پہلی بار رکن اسمبلی بننے والی خاتون رکن ریکھا گپتا نے وزیراعظم نریندر مودی کی موجودگی میں نئی دہلی کی وزارت اعلیٰ کا حلف اٹھایا جس کے بعد وہ دہلی کی چوتھی خاتون وزیراعلیٰ بن گئی ہیں۔
نئی دہلی کے لیفٹیننٹ گورنر وی کے سکسینا نے ریکھا گپتا سے وزارت اعلیٰ کا حلف لیا، تقریب حلف برداری میں مودی سمیت دیگر اہم شخصیات بھی شریک تھیں۔
بھارتی میڈیا کا بتانا ہےکہ وزیراعلیٰ ریکھا گپتا کے ساتھ ان کی کابینہ میں شامل 6 وزرا نے بھی اپنے عہدوں کا حلف اٹھالیا۔
بھارتی میڈیا کے مطابق 50 سالہ ریکھا گپتا نئی دہلی کی نویں وزیراعلیٰ ہیں اور وہ اس منصب پر فائز ہونے والی چوتھی خاتون ہیں جو پہلی بار الیکشن لڑ کر رکن اسمبلی بنیں اور پھر وزارت اعلیٰ کے منصب پر فائز ہوئیں۔
واضح رہےکہ اس سے قبل نئی دہلی میں اروند کجریوال کی عام آدمی پارٹی کی حکومت تھی اور اروند کجریوال نے عدالتوں میں مقدمات کی وجہ سے عہدے سے استعفیٰ دے دیا تھا۔
مزید خبریں :
کانگریس رہنما سونیا گاندھی طبیعت ناساز ہونے پر اسپتال میں داخل
21 فروری ، 2025
ڈونلڈ ٹرمپ نے یوکرینی صدر کو مزاحیہ اداکار قرار دیدیا
20 فروری ، 2025
