22 فروری ، 2025 
جرائم
گرفتارملزم اصغر بچےکی خالہ سےشادی کرناچاہتاتھا،پولیس— فوٹو:فائل
شادی سے انکار کیوں کیا؟ ملزم نے برات میں آیا دلہن کا 6 سالہ بھانجہ اغوا کرلیا
22 فروری ، 2025
سرگودھا میں ملزم نے شادی سے انکار پر برات میں آنے والے دُلہن کے 6 سالہ بھانجےکو اغوا کرلیا گیا۔
پولیس کے مطابق سرگودھا کے علاقے قصبہ مڈھ رانجھا میں اصغر نامی شخص نے 6 سالہ بچے داؤد کی خالہ کا رشتہ مانگا تھا۔
پولیس نے بتایاکہ رشتے سے انکار کرنے پر ملزم اصغر نے اپنے والد اور بھائیوں کی مدد سے شادی کی تقریب کو خراب کرنے کیلئے دُلہن کے 6 سالہ بھانجے داؤد کو اغواکرلیا۔
پولیس کا کہنا ہے کہ فیصل آباد اور چنیوٹ کے علاقوں میں چھاپے مارنے کے بعد 6 سالہ بچے کو بازیاب کروالیااور ملزمان کے خلاف مقدمہ درج کرکے 3 کو گرفتار کرلیا۔
بچے کو بازیاب کروانے پر اہلخانہ نے پولیس کو پھولوں کے ہار پہنائے اور ان کا شکریہ ادا کیا۔
مزید خبریں :
