26 فروری ، 2025 
صدر آصف زرداری کی پیپلز پارٹی پنجاب کو بلدیاتی انتخابات کیلئے تیار رہنےکی ہدایت
26 فروری ، 2025
صدر آصف زرداری نے پیپلز پارٹی پنجاب کو بلدیاتی انتخابات کے لیے تیار رہنےکی ہدایت کردی۔
ذرائع کے مطابق لاہور میں پیپلز پارٹی کے ارکان اسمبلی نے صدر زرداری سے ملاقات کی۔
ذرائع کے مطابق صدر آصف زرداری نے پیپلز پارٹی پنجاب کو بلدیاتی انتخابات کے لیے تیار رہنےکی ہدایت کرتے ہوئےکہا کہ وہ اور بلاول بھٹو زرداری خود پنجاب میں بیٹھیں گے۔
صدر آصف زرداری کا کہنا تھا کہ پنجاب میں بلدیاتی انتخابات میں دیر نہیں ہونی چاہیے، بلدیاتی الیکشن کا ہونا بہت ضروری ہے۔
صدر آصف زرداری نےکہا کہ پانی کا بہت بڑا مسئلہ ہے، سندھ اور بلوچستان کے مسائل حل نہیں ہو رہے، ہر فورم پر نشاندہی کرچکے ہیں کہ ہمیں پانی کے مسئلےکو سنجیدہ لینا ہوگا۔
اس موقع پر صدر زرداری نے گورنر پنجاب سلیم حیدر کی تعریف کی اور انہیں بہترین کام کرنے والا قرار دیا۔
