27 فروری ، 2025 
کتے جیسی ساخت کی پہاڑی کی تصویر وائرل
27 فروری ، 2025
چین میں ایک پہاڑی راتوں رات وائرل ہوگئی ہے جسے دور سے دیکھنے پر کسی کتے کے چہرے کو دیکھنے کا احساس ہوتا ہے۔
چینی صوبے Hubei میں دریائے یانگسی کے کنارے پر موجود یہ پہاڑی ایک ڈیزائنر کی سوشل میڈیا پر پوسٹ کی گئی تصویر سے وائرل ہوئی۔
گاؤ چنگ شان نے یہ تصویر گزشتہ دنوں اپنے آبائی قصبے Yichang کے قریب ہائیکنگ کے دوران لی تھی۔
ہائیکنگ کے بعد اپنی تصاویر کا جائزہ لینے پر انہیں اس بات کا احساس ہوا جو وہ پہلے نہیں دیکھ سکے تھے۔
انہوں نے دیکھا کہ ایک پہاڑی کی ساخت بالکل کسی کتے کے سر جیسی ہے جس نے اپنا سر زمین پر رکھا ہوا ہے جبکہ ناک پانی کو چھو رہی ہے۔
انہوں نے بتایا کہ 'یہ جادوئی اور خوبصورت تصویر ہے، میں اسے دریافت کرکے بہت پرجوش ہوگیا، اسے دیکھ کر لگتا ہے کہ کتا پانی پی رہا ہے یا مچھلی پکڑنے کے بارے میں سوچ رہا ہے'۔
انہوں نے اس تصویر کو ایک چینی سوشل میڈیا ایپ میں پوسٹ کیا جہاں وہ وائرل ہوگئی۔
اب اس پہاڑی کو چین میں پپی ماؤنٹ بھی کہا جا رہا ہے اور متعدد افراد اس جگہ کو دیکھنے جا رہے ہیں۔
کچھ افراد کی جانب سے پہاڑی کے قریب بنے ایک ڈیک پر اپنے پالتو کتوں کے ساتھ کھڑے ہوکر تصاویر کھینچ کر سوشل میڈیا پر بھی پوسٹ کی گئیں۔
مزید خبریں :
کامیاب ٹرانسپلانٹ کے بعد 5 گردوں کے ساتھ زندگی گزارنے والا شخص
26 فروری ، 2025
ماں بننے کیلئے شوہر سے 33 کروڑ روپے مانگنے والی خاتون کون ہیں؟
25 فروری ، 2025
ایک دلچسپ نشانی جو شریک حیات سے مضبوط تعلق کا اظہار کرتی ہے
24 فروری ، 2025
