28 فروری ، 2025 
پاکستان
مسافر بس کراچی سے سوات جارہی تھی جس میں تقریباً 50 مسافر سوار تھے: ترجمان موٹر وے پولیس/ فوٹو جیو نیوز
چکوال: کراچی سے سوات جانیوالی بس کو حادثہ، 8 افراد جاں بحق
28 فروری ، 2025
چکوال: موٹروے نیلہ انٹر چینج کے قریب بس کھائی میں گرگئی۔
ترجمان موٹر وے پولیس کے مطابق بس کو حادثہ موٹروے نیلہ انٹر چینج کے قریب پیش آیا، مسافر بس کراچی سے سوات جارہی تھی جس میں تقریباً 50 مسافر سوار تھے۔
ترجمان نے بتایا کہ حادثے کی اطلاع ملتے ہی ریسکیو اہلکار موقع پر پہنچ گئے اور زخمیوں کو اسپتال منتقل کیا۔
ترجمان کے مطابق حادثے کے نتیجے میں 8 افراد جاں بحق اور 18 زخمی ہوئے ہیں جن میں سے 3 کی حالت تشویشناک ہے جب کہ زخمیوں میں خواتین اور بچے بھی شامل ہیں۔
