02 مارچ ، 2025 
ٹوکیو میراتھون ایتھوپین رنر نے جیت لی، جیو کے اینکر سمیت 20 سے زائد پاکستانی بھی شریک ہوئے
02 مارچ ، 2025
دنیا کی سات بڑی میراتھونز میں سے ایک ٹوکیو میراتھون ایتھوپیا کے Tadese Takele نے جیت لی۔
ایتھوپیا کے ٹیڈسی ٹیکیلے نے مقررہ فاصلہ 2 گھنٹے 3 منٹ 23 سیکنڈز میں طے کیا جبکہ ایتھوپیا ہی کے Deresa Geleta ڈیریسا گیلیٹا دوسرے اور کینیا کے ونسنٹ کیپکیموئی نگیٹچ Vincent Kipkemoi Ngetich نے تیسری پوزیشن حاصل کی۔
ٹوکیو میراتھون میں مجموعی طور پر 23 پاکستانی شریک تھے، جیو نیوز کے اینکر محمد جنید نے بھی ٹوکیو میراتھون میں حصہ لیا۔
اسلام آباد کے بلال احسن تیز ترین پاکستانی رہے جنہوں نے 42 عشاریہ دو کلو میٹر کی دوڑ تین گھنٹے 21 منٹ اور 32 سیکنڈز میں مکمل کی۔
حامد بٹ دوسرے اور بلال سعید پاکستانیوں میں تیسرے تیز ترین رنر رہے۔
اسپیشل اولمپکس کیلئے فنڈز اکھٹے کرنے والے فیصل شفیع نے دوڑ تین گھنٹے 41 منٹ میں مکمل کی۔
خواتین رنرز میں پاکستان کی کوکب سرور کی شاندار پرفارمنس رہی۔ کراچی کی کوکب سرور نے فاصلہ تین گھنٹے، 52 منت 25 سیکنڈز میں مکمل کیا۔
پاکستانی خواتین میں ماہین شیخ دوسرے اور خولہ احمد تیسرے نمبر پر رہی۔
مزید خبریں :
فیفا نے پاکستان فٹبال فیڈریشن کی معطلی ختم کردی
9 گھنٹے پہلے
چیمپئنز ٹرافی: بھارت نے نیوزی لینڈکو 44 رنز سے ہرادیا
11 گھنٹے پہلے
