03 مارچ ، 2025 
بجلی کی بحالی کے بعد کراچی کو پپری پمپنگ اسٹیشن سے پانی کی فراہمی شروع
03 مارچ ، 2025
کراچی واٹر کارپوریشن کے پپری پمپنگ اسٹیشن پر بجلی کی بحالی کے بعد شہر کو پانی کی فراہمی شروع ہوگئی۔
ترجمان واٹر کارپوریشن نے اپنے جاری ایک اعلامیہ میں بتایا کہ کے الیکٹرک کی جانب سے پپری پمپنگ اسٹیشن پر 3 بج کر 35 منٹ پر اچانک بجلی کا بڑا بریک ڈاؤن ہوا جس کے باعث پپری پمپنگ اسٹیشن کی تمام پمپنگ مکمل طور پر بند ہوگئی۔
تاہم پپری پمپنگ اسٹیشن کی بجلی 7 بج کر 35 منٹ پر بحال ہوئی جس کے بعد پپری سے شہر کو پانی کی فراہمی شروع کردی گئی ہے۔
ترجمان نے بتایا کہ بجلی کے بریک ڈاؤن کے باعث شہر کو ٹوٹل 35 ایم جی ڈی پانی کی کمی کا سامنا ہوا جس کی وجہ سے لانڈھی، کورنگی، شاہ فیصل، بن قاسم اور ڈی ایچ اے کے علاقے متاثر ہوئے۔
ترجمان کےالیکٹرک کا کہناہے کہ پپری اسٹیشن پر آنے والے جزوی تعطل پر کے الیکٹرک عملے نے فوری کارروائی کی، فالٹ شام میں آیا جسے افطار کے فوراً بعد درست کر کے بجلی مکمل بحال کر دی گئی ہے۔
مزید خبریں :
حکومت کا مزید بجلی نہ خریدنے کا فیصلہ
2 گھنٹے پہلے
افطار میں بنائیں یہ مزیدار پیزا پارسلے
4 گھنٹے پہلے
تراویح میں پہلی 2 رکعتیں نکل جائیں تو کیا کیا جائے؟
4 گھنٹے پہلے
کراچی میں وقفے وقفے سے تیز ہوائیں چلنے کا امکان
6 گھنٹے پہلے
