04 مارچ ، 2025 
امریکا کی جانب سے کینیڈا اور میکسیکو پر 25 فیصد ٹیرف آج سے نافذ ہوگا
04 مارچ ، 2025
امریکا کی جانب سے کینیڈا اور میکسیکو پر 25 فیصد ٹیرف آج سے نافذ ہوگا اور چین سے اشیاء کی امریکا درآمد پر بھی اضافی چارجز آج سے نافذ کیے جائیں گے۔
اس اقدام سے امریکی اسٹاک مارکیٹ میں غیرمعمولی گراوٹ دیکھی گئی ہے۔
صدر ٹرمپ کے اقدام سے کینیڈا میں تیار وہ تمام اشیاء جو امریکا بھیجی جاتی ہیں، ان کی تیاری میں کمی ہونے کا خدشہ ہے جس سے ملازمتیں ختم ہوں گی، افراط زر بڑھے گا اور الیکشن کے سال میں اقتصادی تباہی درپیش ہوگی۔
صدر ٹرمپ نے واضح کیا تھا کہ ٹیرف کے معاملے پر کینیڈا اور میکسیکو سے ڈیل ممکن نہیں۔
ان اطلاعات کے بعد 2025 میں پہلی بار ایس اینڈ پی500 میں ایک روز میں 1.8 فیصد کمی دیکھنے میں آئی جب کہ نیسڈیک کمپوزیٹ میں2.6 فیصد اور ڈاوجونز انڈسٹریل میں 1.5فیصد کمی ہوئی۔
اس کے علاوہ دنیا کی سرفہرست ٹیکنالوجی کمپنیوں کے شئیرز کی قدر بھی گر اوٹ دیکھی گئی۔
جواب میں کینیڈا کی وزیر خارجہ نے کہا ہے کہ امریکا کو فوری جواب دیا جائے گا، کینیڈا بھی 155 ارب ڈالر کے ٹیرف کیلئے تیار ہے جس کی پہلی قسط 30 ارب ڈالر کی صورت میں ہوگی۔
مزید خبریں :
ڈونلڈ ٹرمپ نے یوکرین کیلئے تمام فوجی امداد روک دی
6 گھنٹے پہلے
جرمنی میں ڈرائیور نےگاڑی راہ گیروں پر چڑھادی، 2 افراد ہلاک
03 مارچ ، 2025
