05 مارچ ، 2025 
خضدار کے نال بازار میں دھماکا، 4 افراد جاں بحق
05 مارچ ، 2025
بلوچستان کے ضلع خضدار کی تحصیل نال میں دھماکے سے 4 افرادجاں بحق ہوگئے۔
پولیس کے مطابق دھماکا نال بازار میں ہوا جس سے وہاں موجود گاڑیوں میں آگ لگ گئی۔ پولیس نے بتایاکہ دھماکے کے نتیجے میں 3 افرادجاں بحق اور 5 زخمی ہوگئے۔
پولیس کا کہنا ہے کہ زخمیوں کو نال اور خضدار ٹیچنگ اسپتال منتقل کر دیا گیا۔
پولیس کے مطابق دھماکا خیز مواد موٹرسائیکل میں نصب تھا۔
دوسری جانب وزیر اعلیٰ بلوچستان سرفراز بگٹی نے دھماکے کی مذمت کی اور قیمتی انسانی جانوں کے ضیاع پر گہرے رنج و غم کا اظہارکیا۔
وزیراعلیٰ نے دھماکے میں زخمی افراد کو بہتر طبی سہولیات فراہم کرنے کی ہدایت کی اور کہا کہ دہشت گردی کا ہر صورت قلع قمع کیا جائے گا۔
انہوں نے کہاکہ امن دشمن عناصر اپنے مذموم مقاصد میں ناکام ہوں گے، واقعے میں ملوث عناصر کو کیفر کردار تک پہنچایا جائے گا۔
مزید خبریں :
سنگین مقدمات میں مطلوب 7 اشتہار ی ملزمان یو اے ای سے گرفتار
05 مارچ ، 2025
